С. М. Киров исемендәге нефтселәр Мәҙәниәт һарайы (Ишембай)

С. М. Киров исемендәге нефтселәр Мәҙәниәт һарайы — Ишембай ҡалаһында В. И. Ленин майҙанында урынлашҡан архитектура ҡомартҡыһы.

Иҫтәлекле урын
С. М. Киров исемендәге нефтселәр Мәҙәниәт һарайы
Ленин исемендәге майҙан һәм нефтселәр Мәҙәниәт һарайы
Ил	Рәсәй
Урыны	Ишембай ҡалаһы
Төҙөлөшө	1955—1961 йылдар

1961

Тарихы

С. М. Киров исемендәге нефтселәр Мәҙәниәт һарайын төҙөү Ишембай нефть эшкәртеү заводы инициативаһы буйынса башҡарыла^[1]. Ул 1961 йылда тамамлана^[2]. Учреждение 675 урынлыҡ зал, 300 урынлыҡ кинозал һәм үҙешмәкәр коллективтарҙың эш урындары өсөн биналарҙы үҙ эсенә ала.

Бында беренсе булып академик хор, хореография ансамбле, башҡорт халыҡ театры, тынлы оркестр, һынлы сәнғәт студияһы эш башлаған. Күп коллективтар квалификациялы белгестәр тарафынан барлыҡҡа килә, белгестәрҙе ҡайһы саҡта икенсе ҡалаларҙан саҡыралар. Үҙешмәкәр артистарҙың көсө менән агитбригадалар ойошторола, улар Ишембай районында һәм унан ситтә урынлашҡан ауылдарға сығып сығыштар яһайҙар.

1980—1990 йылдарҙа С. М. Киров исемендәге нефтселәр Мәҙәниәт һарайында А. Емельянов етәкселеге аҫтында үҙешмәкәр киностудия, шулай уҡ Ишембайҙа тәүге телестудияларҙың береһе «Орион-ТВ» эшләй.

Архитектура

Ишембай нефтселәр мәҙәниәт һарайы интерьерын биҙәүҙә БАССР-ҙың күренекле рәссамдары ҡатнаша.

«Садам цвесть» һәм «Спорт» фрескаларын Павел Петрович Салмасов ижад итә^[3], Һарай интерьерын биҙәкләү комплексы менән Пантелеев Александр Васильевич дөйөм етәкселек итә.

Хәҙерге торошо

Мәҙәни, спорт ярыштары үткәреү өсөн ҡулланыла (мәҫәлән, 1988 йылда ҡатын-ҡыҙҙар араһында рус шашкаһы буйынса СССР чемпионаты, 2001 йылда шашка буйынса Рәсәй чемпионаты).