Удэгей легендаһы
From Wikipedia, the free encyclopedia
Удэгей легендаһы (рус. «Удэгейская легенда») — Рәсәйҙең Диңгеҙ буйы крайының Красноармейск районы биләмәһендәге милли парк[1].
| Удэгей легендаһы | |
|---|---|
 | |
| Категория МСОП — II (Милли парк) | |
| Төп мәғлүмәт | |
| Майҙаны | 103,744 меңга |
| Нигеҙләнгән ваҡыты | 9 июнь 2007 йыл |
| Урынлашыуы | |
| 45°49′09″ с. ш. 135°24′42″ в. д._type:landmark HGЯO | |
| РФ субъекты | Диңгеҙ буйы крайы |
| Яҡындағы ҡала | Дальнереченск |
ud-legend.ru | |
 Удэгей легендаһы Викимилектә | |
Милли паркты ойоштороу 1990-сы йылдарҙа планлаштырыла башлай, ул 2007 йылдың 9 июнендә[1] Сихотэ-Алинь тауҙарының көнбайыш макробитләүе тәбиғәтен һаҡлау, экологик туризмды үҫтереү маҡсатында рәсми рәүештә булдырыла[1]. Уның дөйөм майҙаны, урман хужалығы мәғлүмәттәре буйынса, 103,744 мең гектар тәшкил итә. Паркта төрлө дәүерҙәге 28 археологик ҡомартҡы: таш быуат объекттары, урта быуат торама пункттары теркәлгән.
Башта парк «Урта Уссурия» тип аталырға тейеш була, әммә Юлбарыҫ саҡырыуы милли паркы (ru:Зов тигра (национальный парк)) директоры кәңәше буйынса «Удэгей легендаһы» тигән үҙенсәлекле исем һайлана. Һуңынан ул килешмәүсәнлек барлыҡҡа килтерә: урындағы удэгей общиналары, парк уларҙың мәҙәниәтен һаҡлау маҡсатында булдырылған һәм тулыһынса уның ҡарамағында булырға тейеш, тип ҡарар итә. 2018 йылда ла низағ бөтмәй: төрлө кимәлдәге судтарҙа һәм башҡа инстанцияларҙа тикшереү дауам итә[2].
Удэгей легендаһы Сихотэ-Алинь көнбайыш һыртының тау алды өлөшөндә, ике төбәк үҙәге — Владивосток һәм Хабаровск араһында урынлашҡан[1]. Биләмәне теркәүҙә документтарҙағы хаталар, шулай уҡ төрлө ойошмалар менән суд тикшереүе арҡаһында, парктың аныҡ сиктәре әле булһа билдәләнмәгән.
Милли парк хакимиәте Рощино ауылында, Район үҙәге Новопокровканан бер нисә саҡрым алыҫлыҡта урынлашҡан.
30 һирәк осрай торған, һаҡлауға мохтаж көпшәле үҫемлек: Япон диоскореяһы, эвриала, бадан, женьшень, бүлбеле калипсо, микробиота, Фори рододендроны, осло ҡорос ағас һәм башҡалар, шулай уҡ Ҡыҙыл китапҡа индерелгән лишайниктарҙың 12 төрө үҫә[4].
Һөтимәрҙәрҙән Амур юлбарыҫы, Гималай айыуы, ҡыҙыл бүре һаҡлана. Паркта Рәсәй Федерацияһының Ҡыҙыл китабына индерелгән бөжәктәрҙең 28 төрө бар.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
