From Wikipedia, the free encyclopedia
Da Abu Nuwas (arabisch أبو نواس,, Umschrift: Abū Nuwās), aa al-Hasan ibn Hani', al-Hakami ad-Dimaschqi / الحسن بن هانئ الحكمي الدمشقي / , al-Ḥasan b. Hāniʾ, al-Ḥakamī ad-Dimašqī (* 757 z Ahwaz; † 815 z Bagdad), wor oana vo de berihmtasdn arabischn Dichda vom klassischn Zeidoita. Ea hod si im Lem und in da Dichdkunst voa oim da Sinnlichkeit und im Genuss gwidmet und hod de Homoerotik vahealicht.
Der Artikl is im Dialekt Klassisches Boarisch gschriem worn. |
Da Voda vom Abu Nuwas, Hani, wor Araba und Soidot in da Armee vom Marsan II. Sei Muada, Golban, wor a Webarin aus Peasien. In Basra und Kufa hod a Philologie studiad. Ea hod fost sei ganzes Lem z Bagdad vabrochd. Bagdad wor domois de Haptstod vo Arabien und Persien.
Um sei klassisches Arabisch z perfektionian, hod a oa Joar in da Wiastn bei de Beduina glebt, dena ma as reinste Arabisch nochgsogt hod. De Sproch vom Abu Nuwas is desweng grammatisch voabuidhoft und baut af de oidn arabischn Traditiona af. Seine Themen keman owa ned aus da Wiastn sondan vom Oidog in da Stod. Ea hod iwa Jogd, Wein und Liabesgschichtn gschriem und wor fia sein Humoa und Witz bekannt.[1] Ea wor a geniala Zynika; fia seine Spottgedichtln hod man sogor gfiachdt. Des bsondare is owa, dass de moastn vo seine Dichtunga homoerotischa Natua san. Desweng hod aa a efta Probleme griagt und is aa eingspeat worn. Weng an Spottgedicht iwa a voanehme Peasafamij is misshandlt worn und is an de Foign gstoam.
Da Abu Nuwas hod zua Zeid vom Kalifen Harun ar-Raschid glebt, dea wo in 1001 Nocht a wichtige Roin spuid. Ea wead in de Gschichtn ois Hofdichda vom Kalifn z Bagdad gnennd und ois Hedonist bschriem. Des Zeidoita guit in da arabischn Literatua ois de Klassik. Da Abu Nuwas hod an Haufa Dichda und Schreiwa noch eam beeiflusst vo Khayyám bis Hafiz.
In ana Gschicht aus 1001 Nocht hod da Kalif Harun er-Raschid von ana Haremssklavin mid dea wo a friaa scho gschloffa ghobt hod, an Koab griagt; und zwor midm Sotz: "Des Sunnalicht vawischt as Nochtgeschwätz" (Der helle Tag verwischt das Wort der Nacht). Des wor so ungwehnlich, dass da Kalif drei Dichdan in Afdrog gem hod, a Gedicht driwa z schreim. Da Abu Nuwas so es foigende gschriem hom.(Iwasezt im Sinn noch, ohne Gedichtfoam.[2])
De Liab wor lang, mia worn uns scho a bissl fremd.
Vui gstriddn homa; des wor ned so guad fia uns.
Do howis troffa im Palost, leicht bsoffa in da Nocht,
Do aa im Rausch wor se recht obweisend und woit mi ned,
Zwor is da Mantl schnej vo iare Schuitan gfoin,
So hods mi groazd! Des Gwand wor aa gschwind weg.
Am Zweigal, dro de zoartn Apfal ghängd san,
De broadn Rundunga hom zidad wia im Wind.
Do howi gsogt: "I wui di wieda hom!"
Se moant: "Na guad, du hosd mei Woat, fia moagn."
Wiar I am Moagn kim und sog: "Dei Woat?"
Na sogts: "Des Sunnaliacht vawischt as Nochtgeschwätz!"
De freche owa intelligente Antwoat vo da Sklavin soi in Kalifn so beeindruckt hom, dassa ia vaziehn hod.[2]
Come right in, boys. I'm
a mine of luxury -- dig me.
Well-aged brilliant wines made by
monks in a monastery! shish-kebabs!
roast chickens! Eat! Drink! Get happy!
and afterwards you can take turns
shampooing my tool.[3]
Schenk mir und schenk Joseph ein
den köstlichen Wein
der uns schaudern lässt
Meide die Wirrnis in deinem Leben
und nimm nur den Frieden
Schenk mir ein bis zum Rand
ich mag keine Becher
die nur halbvoll sind
Die Flasche auf dem Tisch
und das Buch daneben
Trink drei Gläser
und zitiere einen Vers
Das Gute hat sich mit Bösem vermischt
und -Gott möge mir verzeihen-
Der wird gewinnen in dem das eine
das andere überwand: genug!
Da Abu Nuwas is a Bstandtei vo da arabischn Voikskuitua woan. In vui Gschichtn von 1001 Nocht kimp a fia. Ea is da Begleita vom Kalifn und sei Hofnarr. Bsondas aa in Ostafrika is da Abu Nuwas ois Tricksta Figua populea woan. Ea is do a Art Till Eulenspiegel, a Hofnarr Prangerl, a weisa Norr, iwa den vui Gschichtn vazejt wean.
Da tansanische Kinstla Godfrey Mwampembwa (Gado) hod a Swahili Komikbuach vaeffentlicht: Abunuwasi.[4]
Seit 1976 is a Krota afm Merkur z Ehrn vom Abu Nuwas so gnennd. Dea Krota hod 116 Kilometa Duachmessa und liegt bei 17,4°N, 20,4°W.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.