Gonâve-Insl
From Wikipedia, the free encyclopedia
From Wikipedia, the free encyclopedia
De Gonâve-Insl (fraunzesisch: Île de la Gonâve, früher Île de la Gonaïve) is a Insl vu de Großn Antüin in da Karibik. Sie gheat zum Stood Haiti und liegt im Vawoitungsgebied Ouest („Westn“), in dem d'Insl a eingnes Arrondissement ausmochd. D'Insl bestehd aus de Gmoana Anse-a-Galets (Hauptstod vum Arrondissements) und Pointe-a-Raquette. Auf da Insl faungan olle Postleitzoihn mid 65 au.
| Der Artikl is im Dialekt Owaöstareichisch gschriem worn. |
D'Gonâve-Insl liegt 50 Kilometa westnoadwestli vu da haitianischn Hauptstod Port-au-Prince im Golf von Gonâve. Mid iara Läng vu ungefäa 56 Kilometa, da Broadn vu 16 Kilometa und da Flächn vu 743 Quadratkilometa iss d'greßte Nochboainsl vu Hispaniola und damid d'greßte Insl, de Haiti mid kam aundan Laund teun muaß. D'Gonâve-Insl bestehd zum greßtn Teu aus Koikstoa und is vu mearare Riffe umgem. D'Insl is trucka, hüglig und ziemli öd, ia hechsta Beag schofft a Hächn vu 778 Meta. Im Joa kemman zwischn 800 und 1600 Millimeta Niedaschläge zsaumm, wobei de hecha glengnen Gengdn eha mea dawischn. D'Übaweidung und d'Wossavaschwendung san de greßan Probleme vu de ungefäa 200.000 Leid (Schätzung fia 2005[1]) auf da Insl, auf deas kane Flüss oda Bäch gibd.[2]
D'Gonâve-Insl woa d'letzte Gengd vu Haiti, in de si de Taínos (a Uaeinwohna-Gsöischoft) zruckziang hom kina, nochdems 1503 vu Hispaniola em duathi gflicht han. Vu eana staummd da heidige Naum vu da Insl, da wos de Taínos nämli Guanabo ghoaßn hom.[2] Späda is de Insl a Piratnsitz gwen.[3] 1925, wia de USA Haiti bsetzt ghobt haum, hod si da US-Offizier Faustin Wirkus zum Inslkini Faustino II (le roi blanc de la Gonâve – „da weiße Kini vu La Gonâve“) ausgruafn – ea is owa 1929 vu da Regiarung vu Haiti vatrim woan.[4] Noch am Oakan, dea 1976 Teile vum Südn vu Haiti verwüstet hod, haum si einige Leid auf da Gonâve-Insl augsiedlt und duat de easchtn laundwiatschoftliche Deafa vu da Insl aufbaud.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
