US-amerikanischer Bluesmusiker From Wikipedia, the free encyclopedia
Johnny Winter (* 23. Februar1944 ois John Dawson Winter III in Beaumont, Texas † 16. Juli 2014 im Beziak Bülach, Kanton Zürich) isa eiflussreicha amerikanischa Blues-Gitarrist, Sänga und Broduzent gwen. Seine Voabuidl san da Muddy Waters, B. B. King und Bobby Bland gwen.
Da Winter Johnny is ois Oibino afd Wäid kumma gwen. Sei jingara Bruada Edgar Winter is emfois a bekannta Musika und Komponist. Scho ois Buam sans zam afdren und ois da Johnny fuchzea Joa gwen is, homs mid era Band Johnny and the Jammers de Blattn School Day Blues ba an Blattnlabel z Houston afgnumma kod.
1968 is da Johnny Winter zam mim Bassistn Tommy Shannon und mim Schlogzeiga Uncle John Turner afdren. Dano homs no an Atikl im Rolling Stone an Vodrog bam gloana Liberty Label griagt. Nodäms im Fillmore East Ofang 1968 afdren san, homse dano grousse Label wia RCA und Columbia um eam grissn. Ea is za Columbia ganga, nodäms eam, fia domois an houa Voaschuss, vo 600.000 Dollar zoid hom.[1] 1969 im Mai is s Oibum Johnny Winter vaeffadlichd woan.
Wei se sei Manager mid de Fuimleid voum Woodstock-Fesdiwej zgriagt hod, is sei Afdrid ned im Woodstock-Fuim zseng.
1970 hoda des Liadl Rock and Roll Hoochie Koo mim Rick Derringer und an Randy Jo Hobbs vo de McCoys afgnumma. Bis 1973 hoda no massife Drongbrobläme kobt, dano isa mid Still Alive and Well zruckkumma.
1977, hoda Hard Again voum Muddy Waters broduziad. De zwe hom no a bo Oim gmochd und aa Grammy Awards gwunna. Im sejm Joa hoda mid oi Musika voum Muddy Waters Nothing but the Blues afgnumma.
1979 is da Johnny Winter ba da 4. Rockpalast Nocht in da Essna Grugahoi afdren, wosn z Eiropa bekannt gmochd hod.