Peter Altenberg
From Wikipedia, the free encyclopedia
Peter Altenberg (* 9. Meaz 1859 in Wean; † 8. Jenna 1919 in Wean; eigentlich: Richard Engländer) woa a Weana, jidischa Schriftstöla. Sein Künstlanauman hod a noch seine Jugendliab Berta Lechna gwöht: De hod an Spitznauman "Peter" ghobt und woa aus "Altenberg aun da Donau" (heit a Ortsteu vau da Gmeinde St. Andrä-Wördern[1].
Da Altenberg hod nua kuaze Prosatexte gschriem, de wos si nua schwaa ana bestimmtn Stürichtung zuaordnen lossn. Haudlungen san do ned eakennboa, Hauptpersonen gibts ned und aa kaa Botschoft. Es san Momentaufnaumen, de wos s Lem in Wean um de Joahundatwende in konzentriata Fuam eafossn. Waun ma aa zwischn de Zeun lest, daun griagt ma a gsöschoftliches Panorama aus dea Zeit vamiddlt.