(136472) Makemake

(136472) Makemake [ˈmakeˈmake] d friarane, provisoarische Bezeichnung 2005 FY₉, is a Zwergplanet vo da Undaklassn vo de Plutoidn am Kuipergiatl. Das astronomische Symbol vom Makemake is: .^[1]

Der Artikl is im Dialekt Westmiddlboarisch (Bayern) gschriem worn.

(136472) Makemake (Zwergplanet)
Bild des Hubble-Teleskops, April 2015
Bild des Hubble-Teleskops, April 2015
Oagnschoftn vo da Umlaffboh (Simulation)
Grosse Hoibaxn	45,660 AE (6.830,6 Mio. km)
Perihel – Aphel	38,543 – 52,778 AE
Exzentrizität	0,156
Bohneigung	28,998°
Siderische Umlaffzeit	308,540 a
Mittlere Orbitalgschwindigkeit	4,404 km/s
Physikalische Oagnschoftn
Duachmessa*	1800 – 1800 km
*bezogn afs Nuiniveau vom Zwergplanetn
Sonstigs
Entdecka	M. Brown, C. Trujillo D. Rabinowitz
Datum vo da Entdeckung	31. März 2005
Vagleichsbuidl
{{{Vergleichtext}}}

Entdeckung

Gfundn won isa am 31. März 2005 vom Mike Brown (CalTech), am Chad Trujillo (Gemini-Observatorium) und am David Rabinowitz (Yale-Universität) mim Oschin-Schmidt-Teleskop am Mount Palomar Observatorium. As Objekt hod vo eana nochad fia erna Oabat den Nama „Easterbunny“ (Ostahos) griagt.

D Entdeckung vom Makemake is dann am 29. Juli 2005 bekannt gehm won. Am gleichn Dog hand a nu de groussn Transneptune Haumea und Eris da Effantlichkeit bekannt gmocht won. De drei Objekte hand zam mim Pluto nochm iazigm Wissnsstand de vier gresstn bekanntn Objekte vom Kuipergiatl. Da Duachmessa vom Makemake wiad auf eba 1800 Kilomeda gschatz (uma 75 % vo da Gress vom Pluto). Sei scheinbare Helligkeit ligt bei 17 mag umananda, damid isa dann as zwoathejste Objekt nochm Pluto am Kuipergiatl.

Nama

Am Juli 2008 hoda den Nam Makemake nochm Schepfagott vo da Kuitua vo da Osterinsel griagt.^[2]

Eingschoftn

Da Makemake bewegt se auf arana elliptischn Umlaufbahn am Abstand zwischn 38,5 AE (Perihel) und 52,8 AE (Aphel) um d Sunn. De Bahn is um de 29° genga d Ekliptik gnoagt. Fiaran Umlauf um d Sunn brauchda umd de 309 Jea umananda.

D Bahn vom Makemake (blau) am Vagleich zu Bahna vom Pluto (rot), am Haumea (grea) und am Neptun (grau)

Da Makemake is vui gressa ois wia d Ceres. Wenga seina Gressn isa wascheinle am hydrostatischn Gleichgwicht und fast a dodale Kugl.

Noch da Entscheidung vo da Indanationala Astronomischn Union (IAU) vom 11. Juni 2008 kead a zua Kadegoarie vo de Plutoidn, arana Undakadegoarie vo de Zwergplanetn.^[3]