Gabun

Gabun, nou en franz. aa da Gabo, amtle franz. République gabonaise, is a Land i Zentrolafrika om Golf vo Guinea, wou s equatorjalna Broitnringal mittan durchekreizt; umgem is s af n Oustn un af n Siḏn vo da Repablik Kongo, af n neadlinga Noadwestn vo Equatorialguinea, af n Noadn vo Kamerun un af n Westn von n Atlantik midrana Flechn vo umma 270 000 km² un a Bvelkaring vo umma 2,1 miljona Leit.^[1][2] D Haptstod u grejßta Mtropoln is Libreville, d Amtssprouch Franzesisch. A gwengana franzesischa Koloni, is Gabun unobhange sida en 17. August 1960.

A politische Koatn vo Gabun

D Prowinzn vo Gabun

A Reljeffkoatn mid Fliss

A weitana Koatn vo Gabun

Es is a Land mid vill Hulz u Wold, wou d Fauna u d Flora nu recht goud banand han mid umma dreizeah Natuaschutzregionna, vo dene wou da Nazionalpark vo da Lopé-Region aa zen daerbtn "Welterb" vo da UNESCO dazoughejad. A moḡara Bvelkaringszohl, groussa Welda un vill bohrturm gfiardats, gstõischichtnats Ial oda Petrouljum hom Gabun oins vo de am mejran grounatn, barnatn u gadeiatn Landna vo Afrika wean loua. Es Land houd 2019 mid 0,703 iwahaps oinn vo dej am weitan oman HDI-Weatt u prokopfatn Bruttoinlandsproduktt vo Afrika nou de Vaointn Naziona.^[3][4] Zwengs da uneemman Vatoaling vo d Eikimft inn Land schaugt owa dennat bar an groussn Trumm vo d Leitn d Noud za Tia eina.

Galeri

• 
  A Satelitnbild vo Gabun
• 
  Exportproduktt vo Gabun
• 
  D Haptstod Libreville
• 
  A Cafè i Libreville
• 
  A Ialraffineri z Gabun
• 
  A Maskn in n Weana Velkakundemuseum
• 
  Da Zoustand vo d Welda nou en Forest Landscape Integrity Index, 2019
• 
  D Kirng von Haaling Michael vo Nkembe z Libreville
• 
  Es Tulpnbammal
• 
  Da Ogooué-Fluß
• 
  D Haptstod Libreville
• 
  Da Rengwold
• 
  D Katedraln z Mouila, d Haptstod vo da Prowinz Ngounié
• 
  In n Lopé Nazionalpark