Katar
From Wikipedia, the free encyclopedia
Remove ads
Katar (arabisch قطر Qatar, Umschrift: Qaṭar) is a Emirat am Noadostn vo da arabischn Hoibinsl am Persischn Goif.
 |
Fia andane Bedeitunga schau: Katar (Begriffsklearung). |
.svg)
Da Stoot Katar ligt auf arana recht schmoin, ovaln Hoibinsl und duad am Sian an Saudi-Arabien grenzn. Vom Sian an Noadn auffe, dehnt se as Land um de 180 km, vom Westn an Ostn 80 km aus. Zum Gebiet gheand a nu oi Insln.
Remove ads
Eadkunde
Soizsimpf und Wüstenstroafan grenzand Katar vom Rest vo da arabischn Hoibinsl o. D Soizpfandln – sognennde Sabkhas – auf da Hähn vom Meer hand Relikte ausarana Zeit, wo Katar nu a Insl wa. Erscht duach a leichte Hebung vom Lands id d Vabindung zum arabischn Festland entstandn. Aus dene Simpf steigt an Noadn as sanft gwejde Higelland empor, de wos Katar prägt. Am Westn, a da Natt vo da Stod al-Kirana, kimmd as Gelände am Dschabal Duchan mid 106 m zu seim hächstn Punkt. An Ostn hi foid s Land sanft zum Meer obe. As ibawiegnd flache Land is vo Stoandl- und Kieswüstn prägt. Sanddünen kemmand grod vaoanzld fia, meistns a da Kistn am eißastn Siadostn. D Kistn wiad vo mehrane langgstreckte Buchtn gliadad. Bsundas a da Ostseitn hand an Haufa Korallenrief voaglogad.
S Grundwossa hod as gscheid houa Soizghoid; a Wossa zum Dringa wiad aus Meerwossaentsoizungs-Anlagn gwunga. Am Siadostn ligt d Meereslagune Khawr al Udayd.
Klima
Mid de gringa Niadaschlag vo unda 100 mm ghead Katar zu de druckastn Landschaftn vo da Wejd. Weis so nouad am Persischn Goif ligt, is a Klima s ganze Jea iba schwej, subtropisch und hoaß. D Luftfeichtigkeit ligt bei eba 85 %. Am Summa hand Tembaraduan vo um de 45 °C ned Sejtn, am Winda singands am Schnied auf 17 °C. Es kinnand oba Tembaraduan vo unda 10 Grod fiakemma agrad de letztn Winda is eftas fiakemma. Oft wachld da drucka-staubige Noadwestwind Schamal.
Flora und Fauna
Katar ist zum Groußteil recht unfruchtboa und a Ed, nu fej unwirtlicher ois de ganzn andan arabischn Wüstnlända. Grod am Noadn, wo d Niadaschlag nu a wengal efdas fia kemmand, wochsand Wüstenhyazinthn, Poimn und Dornstauan. Noch dem sejtna Reng kemmand Grasa und Greida fiara, Bliatn und Fricht dreimd, dadiand oba glei wieda. A de Soizpfandl wochsand a Gros und oi Stauan wos as Soiz vadrongand (Halophyten).
Ned fej Viecha – Wüstenspringmäuse, Igl, Geckos und Warane – kinnand do unda de extrema Lemsbedingunga vo da Wüstn Lem. Zugvegl rastn am Winda a da neadlichn Kistn. Gem duads eba 30 Vogloatn wos heimisch hand. Fia de gfährdetn Oryxantilopen is siadle vo Doha a Wuidpark baud won. D Gwassa vom Persischn Goif hand recht fieschreich. Manchmoi hand a Pottwale, Delfine und d vagleichweis rech sejtna Säkia zum findn. A da Noadkistn hand westle vo Ras Laffan Oaoblagestände vo Meeresschildkrötn.
Am Wuidpark al-Wabra gibts 50 vo de 80 Spix-Aras wos unda da Obhut vo de Menschn lemand.
Remove ads
Vawoidungsgliedarung
D Vawoidungsgliedarung vo Katar bestehd seit 2004 aus sim Gmoan (arabisch: baladiyya):
- Doha
- al-Chaur
- al-Wakra
- ar-Rayyan
- asch-Schamal
- Umm Salal
- ad-Daʿayan
Lidaradua
- Erich Follath: Wie Dubai, nur exklusiver. In: Der Spiegel. Nr. 28, 2006, S. 100 ff (Online).
Im Netz
- Länderinformationen des Auswärtigen Amtes zu Katar
- Offizielle Seite der Regierung (Seite nicht mehr abrufbar; Suche in Webarchiven)
Beleg
Wikiwand - on
Seamless Wikipedia browsing. On steroids.
Remove ads