![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/21/Abaca_fiber_drying_in_Abaca_farm%252C_Costa_Rica.jpg/640px-Abaca_fiber_drying_in_Abaca_farm%252C_Costa_Rica.jpg&w=640&q=50)
Abaka
From Wikipedia, the free encyclopedia
An Abaká (/ɑːbəˈkɑː/ ah-bə-KAH; Filipino: Abaka [aβaˈka]), (Musa textilis) sarong species kan batag natubong tal sa Filipinas. Ini pigkukultibar bilang sarong tinanom na may halagang komersyal sa magkapirang nasyon: sa Filipinas, Ecuador, asin Costa Rica. Tinataba' ini sa pagkua kaini kan saiyang bandala hale sa paklang na iyo mansana an hawak kaini. An tinanom naabot 13-22 na pye (4.0–6.7 m) an langkaw. An bandala o mga awat kaini importanteng gayo ta nagigibo ining mga lubid, mga pambugkos, panggakot asin panlawig sa paglayag ta matagal sa askad nin dagat, o sa pag'oma man. Ngonyan ini pigproproseso ta ginigibong tela, mga panhapin sa lamesang kakanan, ginigibong tsinelas, mga masamnong bag, mga gubing pambabae, kasalak sa paggigibong kwartang papel, pamatos sa tsa, sirnehan o pansara'. An industriya sa abaka nagsusubang naman ta dakul nang nadidiskubreng pakinabang kaini sa mga bagong teknolohiya. An bandalang abaka klasipikadong matagas na awat kairiba an bunot niyog, henequin asin sisal.[1][2]
![Thumb image](http://upload.wikimedia.org/wikipedia/commons/thumb/2/21/Abaca_fiber_drying_in_Abaca_farm%2C_Costa_Rica.jpg/640px-Abaca_fiber_drying_in_Abaca_farm%2C_Costa_Rica.jpg)
![Thumb image](http://upload.wikimedia.org/wikipedia/commons/thumb/6/63/Abac%C3%A1_Mat.jpg/640px-Abac%C3%A1_Mat.jpg)
![Thumb image](http://upload.wikimedia.org/wikipedia/commons/thumb/a/a7/T%27nalak_weaver_at_Lake_Sebu%2C_South_Cotabato.jpg/640px-T%27nalak_weaver_at_Lake_Sebu%2C_South_Cotabato.jpg)
![Thumb image](http://upload.wikimedia.org/wikipedia/commons/thumb/5/5f/COLLECTIE_TROPENMUSEUM_Het_verpakken_van_manilla-hennep_%28musa_textilis%29_in_balen_op_onderneming_Kali_Telepak_Besoeki_Oost-Java_TMnr_10011535.jpg/640px-COLLECTIE_TROPENMUSEUM_Het_verpakken_van_manilla-hennep_%28musa_textilis%29_in_balen_op_onderneming_Kali_Telepak_Besoeki_Oost-Java_TMnr_10011535.jpg)
![Thumb image](http://upload.wikimedia.org/wikipedia/commons/thumb/8/81/Fibra_de_abaca.jpg/640px-Fibra_de_abaca.jpg)