Atake nin panunulo sa Animasyon nin Kyoto
From Wikipedia, the free encyclopedia
An Atake nin panunulo sa Animasyon nin Kyoto (Hapon: 京都アニメーション放火殺人事件, Hepburn: Kyōto Animēshon hōka satsujin jiken) sarong atake nin panunulo na nangyari sa establisimyento nin Estudyo 1 kan Kyoto Animation sa Fushimi ward kan Kyoto, Hapon, kan ika-18 nin Hulyo 2019, mga 10:31 a.m. Nagbu'bo nin gasolina si Shinji Aoba (edad 41) sa laog kan opisina dangan nagkurahaw nin "Tigbak/Gadan!" (死ね shine) sa mga trabahador sabay pigpakilyaban nin kalayo an establishimento. Pigtala ini na saro sa pinakanakakagadan na masaker sa uusipon kan Hapon puon kan katapusan kan Ikaduwang Gerang Pankinaban dangan pinakanakakagadan na sulo nin establishimento sa bilog na nasyon sa laog nin 18ng taon o puon kan nagkasulo sa establishimento nin Myojo 56 kadtong 2001.[1]
Atake nin Panunulo sa Animasyon nin Kyoto | |
---|---|
An Estudyo 1 kan Animasyon nin Kyoto pagkatapos kan atake nin panunulo | |
Katutubong pangaran | 京都アニメーション放火殺人事件 |
Kinamumugtakan | 15-1 Inaba, Momoyama-cho, Fushimi, Kyoto, Hapon |
Coordinates | 34°55′59.0″N 135°47′34.6″E |
Petsa | 18 Hulyo 2019 (2019-07-18) 10:35 a.m. JST (UTC+09:00) |
Target | Estudyo 1 kan Animasyon nin Kyoto |
Tipo kan pag-atake | Panunulo |
Armadas | Gasolina (40 L), lighter, limang mga kutsilyo, martilyo |
Mga nagadan | 36 |
Danyos | 34 (kaiba an kagsala) |
Motibo | Dai aram (posibleng atake nin pambabalos, helang sa pag-iisip) |
Akusado | Shinji Aoba |
Naglaog an di-umano'y lider, na dae nagtatrabaho para sa estudyo sa normal na naka-kandado na pinto sa atubangan dangan nagbuhos nin gasolina sa lugar asin sa pirang mga empleyado bago sindihan ini na nagresulta sa pagkasulo kan establishimento. Pigpurbaran niyang magdulag sa pinangyarihan alagad nadakop siya kan pulisya na nasa rayo na 100 metres (330 ft) puon sa establishimento. Pigsabi kan mga nakahiling na nadangog ninda na inaakusahan niya an studio nin plagiarism o pan-aarog nin gibo asin paghahabun, alagad dae pa nakapanayam kan pulis an suspek.
Sa kadagdagan sa mga pakikidumamay asin mga mensahe kan pakikisuporta hali sa kinaban asin mga nasyunal na lider, mga tagahanga asin mga negosyo, nakaguno ini nin lagpas US$1.7 milyon tanganing matabangan an estudyo asin sa pagpapabulong sa mga empleyado. Bilang resulta kan insidente, mayong katapusan na naantala an pirang mga gibo asin pakikipagtabangan kan estudyo.[2]