From Wikipedia, the free encyclopedia
An Buhi sarong primera klaseng banwaan sa probinsya kan Camarines Sur, Pilipinas. An designadong zip code kaini iyo 4433. Susog sa sensus kan 1 Mayo 2020, igwa ining 81,306 katawong nag-eerok digdi sa 18,796 kaharongan. Igwa ining sukol na 246.65 kilometro kwadrado.
Buhi | |
---|---|
Kinamumugtakan kan Buhi | |
Tagboan: 13°26′5″N 123°31′0″E | |
Nasyon | Filipinas |
Barangay | 38 |
Pamamahala | |
• Electorado | 54,826 votantes (9 Mayo 2022) |
Hiwas | |
• Kabuuhan | 246.65 km2 (95.23 sq mi) |
Elebasyon | 129 m (423 ft) |
Populasyon (Mayo 1, 2020)[1] | |
• kabuuhan | 81,306 |
• Densidad | 330/km2 (850/sq mi) |
• Saro | 18,796 |
Economia | |
• Klase | primero klaseng banwaan |
• Ingresos | ₱235,889,870.47 (2020) |
• Activos | ₱416,528,678.75 (2020) |
• Pasivos | ₱53,600,284.82 (2020) |
• Gastos | ₱178,122,220.91 (2020) |
Kodigo nin postal | 4433 |
PSGC | 051705000 |
Kodigo telefonico | 54 |
Tataramon | Buhi Bikol Bikol Sentral Tataramon na Bukid Iraya Agta Tataramon na Bukid Iriga Agta tataramon na Tagalog |
Websityo | www |
Bistado an banwaan na ini bako lang sa saiyang danaw, iyo man kayâ ini an eerokan kan pinakasadit na nakakakan na sirâ sa kinaban na inaapod na sinarapan o tabyos (Mystychtis luzonensis). An specie nin tabyos nakukua igdi sa Buhi nagkokolor aru-abohon manta an nakukua sa Sola' nin San Miguel, Calabanga, Camarines Sur may kolor na puri, asin man an nakukua sa danaw nin Bato, Camarines Sur mapula-pula.
An tataramon digdi iyo an Buhi Bikol o Buhi-non.[2][3]
Nababanga an Buhi 38 barangay.
Taon | Tawo | ±% p.a. |
---|---|---|
1903 | 9,692 | — |
1918 | 14,103 | +2.53% |
1939 | 22,391 | +2.23% |
1948 | 25,057 | +1.26% |
1960 | 37,786 | +3.48% |
1970 | 41,259 | +0.88% |
1975 | 44,226 | +1.40% |
1980 | 48,625 | +1.91% |
1990 | 57,496 | +1.69% |
1995 | 61,887 | +1.39% |
2000 | 67,762 | +1.96% |
2007 | 70,756 | +0.60% |
2010 | 73,809 | +1.55% |
2015 | 77,143 | +0.84% |
2020 | 81,306 | +1.04% |
Toltolan: Philippine Statistics Authority[4][5][6][7] |
Amay pa sa taon na 1578, an mga misyonero haleng Iriga nagduruman na sa Buhi sa pagbalangibog kan ebanghelyo o Marahay na Bareta. Kan taon 1605 an paroko namukna asin si Fray Antonio Mendez an pinaka-enot na pastor. An simbahan na gibo sa mga kahoy asin dulot para ki San Francisco de Asis natumtom kan taon 1730. Pakatapos kan pangyaring ini, si Reberendo Padre Jose de Cerda nagpatugdok nin simbahan gibo sa gapo asin ini pinag-inaguraran kan Disyembre 24, 1738.
Kun napa'no ta nangaranan an banwaan na Buhi, si Fray Felix de Huerta nagsabi na an kahulogan kan Buhi, "makadulag o magdulag sa anuman na pag-alaman". Osipon niya na bago pa nagdatong an mga Kastila igwa daa nin dakulang pamilya nag-eestar sa sarong sadit na bulod na an apod Ligñion. (Ini kaya idtong Bulod nin Ligñion na ngonyan harani sa Palayogan kan Legazpi sakop nin Daraga?) An pamilyang ini nagsasakdo nin tubig sa sarong burabod na kun saen igwang sarong rimuranon na naggadan sa mga miyembro kaini asin duwa sanang magtugang an nakaligtas. Osipon ni Huerta, an duwang ini nagdurulag asin nagpasiring saka nag-erok na sa ibang lugar harani sa sarong sadit na Bukid Asog. Dangan dakul nang mga tawo an nagduruman asin nag-erestar, mala ta an sinabing lugar inapod nang Buhi huli kan makamundong pangyaring idto.
An popular na pagtubod totoo kan mga Buhi-non, nangaranan an munisipyo na BUHI ta su mga enot na nagbanwa igdi nagdurulag sa makuring pagtuga kan bulkan na Ma'yong.
Si Felix de Huerta sarong prayleng Franciscano, eskolar asin misyonero na nagsurat kan Estado Geográfico, Topográfico, Estadístico, Histórico-Religioso, de la Santa y Apostólica Provincia de San Gregorio Magno ... de N.S.P.S. Francisco, en las Islas Filipinas , Binondo, 1865. An libro niya rekord kan mga agi-agi kan mga Katolikong paroko igdi sa Pilipinas kan panahon nin Kastila.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.