From Wikipedia, the free encyclopedia
Si Ernest Rutherford, Enot na Baron Rutherford nin Nelson, OM, FRS, HonFRSE[1] (30 Agosto 1871 – 19 Oktubre 1937) iyo sarong taga New Zealand na pisiko. Saro man siyang Briton. Nabistado siya bilang an ama kan nukleyar na pisika.[2] An Encyclopædia Britannica pigkokonsidera siya bilang an pinakamatibay na eksperimentalista poon ki Michael Faraday (1791–1867).[2] Dakulang bilang kan saiyang karera an yaon siya sa luwas kan saiyang nasyon, sa parehas na Kanada asin Reyno Unido.
Sa kapinunan kan saiyang trabaho, nadiskobre ni Rutherford an konsepto kan radyoaktibong kabangang-buhay, an radyoaktibong elemento na radon,[3] asin an paglain asin pagngaran sa radiasyong alpha asin beta.[4] Pigsagibo ini sa McGill University sa Montreal, Quebec, Kanada. Ini an basehan para sa Premyong Nobel sa Kimika na piggawad saiya kan 1908 "para sa saiyang imbestigasyon sa disintegrasyon kan mga elemento, asin an kimika kan mga radyoaktibong substansya",[5] kun sain siya an nagin pinakaenot na Osyanong Nobel laureate, asin an pinakaenot na nagsagibo nin nagawadang trabaho sa Kanada. Kan 1904, naelihir siya bilang sarong kaapil sa American Philosophical Society.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.