An plato nin Sunda sarong Minor na plato nin tektoniko na nakamugtak sa Ekwador sa Subangan na Hemispero kun sain kadaklan mahihiling sa Habagatan-Subangan na Asya.[1]
Dating kinokonsederar an Plato nin Sunda na parte kan Plato nin Eurasya, alagad sa pagsukol nin GPS, kinomperma an saiyang independyenteng paghiro sa 10 mm/tn. pasubangan na relatibo sa Eurasya.[2]
Hiwas
Kaiba sa Plato nin Sunda an Dagat Habagatan na Tsina, an Dagat Andaman, kahabagatan na parte kan Bietnamita, Myanmar, Laos asin Tailandya kaiba an Malaysya, Singapura, Kambodya, habagatan na Filipinas, asin an mga isla kan Bali, Lombok, Sulnopan na Nusa Tenggara, Borneo, Sumatra, Haba, asin parte kan Sulawesi sa Indonesya.
Napapalibutan an Sunda sa subangan kan Philippine Mobile Belt, Molucca Sea Collision Zone, Plato nin Dagat Moluka, Plato nin Dagat Banda asin Plato nin Timor; sa habagatan asin sulnopan kan Plato nin Australya; asin sa amihanan kan Plato nin Burma, Plato nin Eurasya; asin Plato nin Yangtze. Minalubog an Plato nin Indo-Australya sa irarom kan Plato nin Sunda sa kalabaan kan Sunda Trench na midbid man sa Java Trench, na nagkakawsa nin paratian na linog asin dolnop.[1]
Tektonikal na kompleks asin aktibong sesmikal an sirangan, habagatan, asin sulnopan na sagkudan kan Plato nin Sunda. An amihanan na sagkudan sana an medyo tuninong.
Hilingon man
- Arko nin Sunda
Mga toltolan
Urog pang mababasa
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.