From Wikipedia, the free encyclopedia
An Reserba Natural kan Estado ni Badhyz (Turkmen: Bathyz goraghanasy) sarong pigpoprotehiran na lugar (zapovednik) sa sur-solnopan na Turkmenistan na namukna kan taong 1941 asin nakakasakop sa kasuklan na 877 square kilometres (339 sq mi) sa mga Probinsya nin Mary asin Akhal. Ini man namumugtak sa sur kan Disyerto nin Karakum, asin an Salog nin Tejen manunupongan sa solnopan kaining giroronan.
Reserba Natural kan Estado nin Badhyz | |
---|---|
Kinamumugtakan | Mary Province, Turkmenistan |
Pinakaharaning syudad | Tejen |
Hiwas | 877 km2 (339 sq mi) |
Pigtugdok | 1941 |
An mga tanawon kaini binibilog nin solo o grupo nin mga pamitisan nin mga turo-takulod, na napoon 20 abot 200 m an langkaw. An promedyong taonan na pag-uuran sa reserba minaabot nin mga 280 mm, na naglalangkaw sagkod sa 420 mm asin pinakahababa sa 130 mm. An halipot na tigsoli kaini sinusundan nin halawig na mainit na tig-init na igwang 4-5 bulan nin mainiton na panahon asin dikit na paglipot nin duros.[nangangaipo nin toltolan]
Kabale man sa reserbang in an tulong pailihan nin mga layas na hayop (zakaznik), na pigmukna kan 1956:
An Reserba Natural kan Estado nin Badhyz sarong importanteng kuta kan Layas na asnong Asyatiko (Equus hemiono kulan). Ini an ultimong lugar kun saen nakua an Layas na asnong Turko. An layas na populasyon nagdakul poon 200, kan an reserbang daga matogdas na sa ngunyan minaabot na sa 5100 na hayop. Matapos an grabeng pagluya, mga 650 ngonyan an layas na asno sa santuaryo.[1]
An iba pang mga ungulates na yaraon sa protektadong lugar na ini iyo an urial, bubugnan na gazelle asin opon. Sa mga predator naman yaon an pulang singgalong, leopardo na Persiyano, rayahan na hyena, abuhon na lobo, asin Asiatikong amid[2]
An cheetah na Asyatiko dati man manonompongan dyan.[3] Alagad puon kan 1960s, dai na ini naitala sa rehiyon asin dai pang gayong nakakalaog na mga indibidwal hali sa kataid na Iran huli kan kudal kaining pagdolonan kan duwang nasyon.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.