Simbahan nin Miagao
From Wikipedia, the free encyclopedia
An Simbahan nin Miagao (Ingles: Miagao Church) na bistado man bilang Parokya ni Santo Tomás de Villanueva iyo sarong Romano Katolikong simbahan na mahihiling sa Miagao, Iloilo, Filipinas.
| Simbahan nin Miagao | |
|---|---|
| Parokya ni Santo Tomás de Villanueva | |
 Sa luwas kan Simbahan nin Miagao | |
.svg)  Simbahan nin Miagao Republic of the Philippines | |
| 10°38′31″N 122°14′08″E | |
| Lokasyon | Miag-ao, Iloilo |
| Nasyon | Filipinas |
| Denominasyon | Romano Katoliko |
| History | |
| Naitogdas | 1731 |
| Dedikasyon | Santo Tomás de Villanueva |
| Pigkonsekrado kan | 1581 |
| Architecture | |
| Kamugtakan | Parokya |
| Minaganang kamugtajab | Aktibo |
| Pamanang designasyon | UNESCO World Heritage Site |
| Designasyon | 1993 |
| Klase nin arkitektura | Simbahan na edipisyo |
| Istilo | Baroque Romanesque |
| Pagbukas | 1787 |
| Nakompleto | 1797 |
| Specifications | |
| Bilang nin mga ispiro | 2 |
| Mga materyales | Adobe, Limestone, Coral |
| Administration | |
| Arkidiyosis | Jaro |
| Probinsya | Jaro |
| Clergy | |
| Arsobispo | Jose Romeo Lazo |
| Mga padi | Fr. Winifredo P. Losaria |
| UNESCO World Heritage Site | |
| Parte kan | Simbahang Baroque sa Filipinas |
| Toltolan | 677bis-004 |
| Inskripsyon | 1993 (17th Sesyon) |
| Mga pagpapalaba | 2013 |
An simbahan pigdeklara bilang sarong UNESCO World Heritage Site kaidtong December 11, 1993 kaiba kan Simbahan nin San Agustin sa Manila; Simbahan nin Nuestra Señora de la Asuncion sa Santa Maria, Ilocos Sur; asin Simbahan nin San Agustin sa Paoay, Ilocos Norte sa irarom kan kolektibong titulo na "Mga Simbahang Baroque sa Filipinas", na iyo koleksyon nin apat na simbahang Baroque kan panahon nin Kastila.[1]
An banwaan nin Miagao iyo sarong nagligad na visita (sarong lokalidad na pigsisirbehan nin sarong bisitang padi) kan Oton hasta 1580, Tigbauan hasta 1592, San Joaquin hasta 1703, sagkod Guimbal hasta 1731.[2] Ini iyo nagin talingkas na parokya nin mga Agustinyano kan 1731 sa irarom kan adbokasiya ni Santo Tomás de Villanueva.[1] Sa pagtogdas kan parokya, sarong simbahan sagkod kombento an pighimo sa daga harani sa dagat na inaapod na Ubos. Si Padre Fernando Camporredondo an nagsirbe bilang pinakaenot na padi kan parokya sa banwaan kaidtong 1734.
Kan an banwaan pirming pig-aatake nin mga Moro kaidtong 1741 asin 1754, an banwaan pigbalyo sa lugar na igwang mas marhay na seguridad. Siring kaiyan, sarong bagong simbahan an pighaman kaidtong 1787 sa paagi nin puwersang pagtrabaho sa irarom kan superbisyon ni Fray Francisco Gonzales asin Kastilang gobernadorcillo na si Domingo Libo-on.[3] Ini pigtugdok sa pinakahalangkaw na punto kan banwaan para mas mabantayan hale sa mga kaiwal na inaapod na Tacas. Pagkatapos nin sampulong taon, an simbahan nakompleto kaidtong 1797. Ini pigdisenyo gamit an matatabang harigi bilang proteksyon sa mga kaiwal. Ini iyo labing nadanyaran kan rebolusyon laban sa Espanyol kaidtong 1898 pero naitugdok man liwat, kasulo kan 1910, an Ikaduwang Gerang Pankinaban, sagkod linog kan 1948.[3] An presenteng simbahan nin Miagao iyo an ikatolong bersyon kan simbahan na pighaman puon kan namokna ini kaidtong 1731.[4] Para sa pagmantinar kan simbahan, ini napasairarom sa restorasyon kaidtong 1960. Ini nakompleto kaidtong 1962. Naideklara man ini bilang sarong nasyunal na dambana sa paagi nin Presidential Decree No. 260.
An kabilugang arkitekturang istilo kan simbahan iyo yaon sa irarom kan Baroque Romanesque na arkitekturang istilo.[3] An kulay kaini na "ochre" color iyo huli sa mga materyal na pinanghaman sa simbahan na iyo an: adobe, sugok, koral, asin limestone.[5],[4] An pundasyon kan simbahan iyo anom (6) na metro an rarom[6] asin an magagabat na gapong hariging nasa 1.5 na metro kataba iyo pigpaurog gamit an apat (4) na metro nin "setback buttresses" bilang proteksyon sa mga kaiwal na Moro na naiheras sa irarom kan Royal Decree 111 of 1573 (Law of the Indies).[3]
Façade
An façade kan simbahan nin Miagao iyo labing piglaagan nin dekorasyon na "bas-relief" sa tahaw nin duwang dakulang " watchtower belfries" sa balyuhang gilid. An "bas-relief" iyo pigsalak-salak na impluwensya nin Medieval Spanish, Chinese, Muslim[7], sagkod lokal na tradisyon asin elemento, na iyo solamenteng karakter kan façade nin simbahan. Sarong prominenteng parte kan façade iyo an puno nin niyog na nagdedepikta kan tree of lifekun sain si Sto. Cristobal nakakapot. Si Sto. Cristobal nakabado nin lokal asin tradisyunal na bado na dara-dara an Aking si Hesus sa saiyang likod. An ibang parte kan façade nagtatampok kan urualdaw na pagbuhay-buhay kan mga tawo sa Miagao kaidtong kapanahunan kabale an mga katutubong flora (arug kan tapayas, niyog, sagkod palm tree) asin fauna.[8],[9]
Sa ibabaw kan kahoy na pintuang laogan sa tahaw kan façade sa irarom sana kan imahe ni Sto. Cristobal iyo an pigkurting imahe kan patrona nin banwaan na si Sto. Tomas de Villanueva. Sa parehong gilid kan pintuan iyo an mga imahe ni Sto. Enrique de Bavariasa wala sagkod ni Santo Papa Pius VI.[10],[11] Sa ibabaw kan mga imahe ni Sto. Enrique sagkod Pope Pius VI iyo an saindang respektibong eskudo de armas.
Belltower
An duwang dae-parehas na belltower [8] iyo direktang nakasugpon sa pangenot na simbahan bilang watchtowers para madepensahan an banwaan sa oras na mag-atake an mga Moro. Igwa ini nin duwang magkaiba na disenyo puon kan ini pigkomisyon kan duwang magkaibang padi.[11] Sa walang parte iyo an mas gurang na belfry, an pinakahalangkaw na solnopang belfry na may apat na libel. Orihinal na pigtugdok an subangang belfry na igwa sanang duwang libel. Kaidtong 1830, pigdesisyonan ni Padre Francisco Perez na magdugang nin bagong istorya sa subangang belfry. Hasta sa ngunyan, an subangang belfry (tolong libel) iyo sarong libel na mas halipot sa solnopang belfry (apat na libel).[11]
An mga orihinal na mga imahe ni Sto. Tomas de Villanueva kaidtong dekada kan 1790 iyo mahihiling man sa nakasara na salming na kaha sa likod na parte kan simbahan.
Santuario
An santuario kan simbahan iyo igwang altar, tabernakulo, retablo, sagkod dambana sa balyuhang gilid na parte. An retablo iyo sarong pigplatong-bulawan asin igwang crucifix (tahaw), istatwa ni San Josed (wala), istatwa ni Sto. Tomas (tuo), asin sarong istatwa ni Sto. Niño (ibabaw). An dambana sa wala kan altar yayaon an Sacred Heart of Jesus mientras an dambana sa wala kan altar yayaon an Immaculate Heart of Mary.[12]
An pedimento tampok si Santo Cristobal na dara-dara an Aking si Hesus sa saiyang likod
Imahe ni Sto. Tomas de Villanueva
Imahe ni Sto. Enrique de Bavaria
Façade kan Simbahan nin Miagao
Santuario kan Simbahan nin Miagao
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
