From Wikipedia, the free encyclopedia
An mga sararadit na grupo kan mga diyalektong Hachijō o Hachijōjima iyo an pinakakakaibang porma kan Hapones o porma nin independenteng pan-apat na sanga kan Haponiko.[1] Pigtataram ini sa kasurang mga isla nin Izu sa sur kan Tokyo, Isla nin Hachijō asin sa mas sadit na Aogashima, na iyo man sa mga isla nin Daitō kan Prepekturang Okinawa, na kuj saen minaerok gikan Hachijō kan Panahon nin Meiji. Base sa mga kriteryon kan mutual intelligibility, pwedeng ikonsederar an Hachijō nin sarong naiiba na tataramong Haponiko.
Pigmantinir kan mga diyalektong Hachijō dialects an sinaenot o suanoy na mga panampok na Subangang Hapon, na naitala sa ika - 8 siglo na Man'yōshū. Igwa pa man langgad na leksikal na pagkakaparehas sa mga diyaletko kan Kyushu dangan iyo man sa Mga tataramon na Ryukyuano; dae lang malinaw kun ini pinapahiling na pig-erokan na an sur na mga isla nin Izu sa rehiyon na idto, kun sinda nakuang sinuñlian na dara kan mga paradagat na naglilibot-libot sa sur nin mga isa o kun sinda independenteng mga retensyon kan Suanoy na Hapon.[2]
Medyo naiiba an mga diyalekto kan Aogashima. Dakol mang mga diyalekto sa Isla nin Hachijō, na igwang pataram kan haros lambang baryo na naiiba. Pwedeng igwang pirang mga nagtataram na nawalat sa diyalekto kan Munting Isla nin Hachijō, na kun saen pig-abanduna kan 1969.
Piggamit kan Hachijō an be-panhiro na aru kaiba an gabos nin mga tema, nin maying pagkakaiba sa animate-inanimate ( iru-aru ) sa kadagaan. Nabibisto man ini sa paagi kan pormang atributibo (連体形 rentaikei ) asin pormang terminal (終止形 shūshikei ) kan mga panhiro at panladawan, sarong pagkakaiba na yaon sa Amay na Katahawang Hapon alagad an gabos alagad nawara gikan sa modernong tataramon.
Preniserba kan Hachijō an mga bilang kan mga parirala na kun saen nawara sa iba pang parte kan Hapon, arog kan ま ぐ れ る magureru para sa Estandarteng 絶 絶 す る kizetsu suru 'mahimatay'. Igwa mang mga kataga o taramon na nangyayari sa estandarteng hapon, alagad igwang manlaen-laen na boot sabihon:[3]
Hachijō | Hapon | Boot sabihon | Kognato/Pigbibisto kan Hapon |
---|---|---|---|
yama | hatake | bukid | yama 'bukid' |
ureshi naru | byōki ga naotte kuru | marahay sa sarong helang | ureshiku naru 'maging maugma' |
kowai | tsukareru | mapagal | kowai 'nakakahadit/nahahadit'[nangangaipo nin toltolan] |
gomi | takigi | panggatong | gomi 'basura' |
nikui | minikui | maging pangit | nikui 'maging kakaiba' |
kamu | taberu | kakanon | kamu 'nguyaon' |
oyako | shinseki | mga relatibo, kamag-anak | oyako 'magurang asin aki' |
ijimeru | kogoto o iu | makisakay, masindak, masaway, masisi, mapagtaraman, mudahon , magreklamo | ijimeru 'tuksuhon, kalwagan, sisihon, bulason' |
hoeru | oogoe de wameku | maipahayag an sarong makusog na kurahaw, magkurahaw | hoeru 'magbatok, mag-alulong (bilang sarong ayam/ido)' |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.