Catanduanes

An Catanduanes sarong islang probinsya kan Republika kan Filipinas na namómogták sa Rehiyon Bikol sa Luzon. An banwaan nin Virac an kabisera kaini. Namomogtak ini sa subangan kan Camarines Sur sa balyo kan Maqueda Channel buda ini ang pang-doseng pinakadakulang isla sa bansa. Sosog sa sensus kan 1 Hulyo 2024, igwa ining 261,169 katawong nag-eerok digdi sa 53,482 kaharongan. Igwa ining sukol na 1,492.16 kilometro kwadrado. An designadong area code kaini iyo +63 (0)52.

Catanduanes
Probinsya kan Filipinas
Bandera Selyo
Kinamumugtakan kan Catanduanes
Tagboan:
Nasyon	Filipinas
Pigtugdas	Setyembre 26, 1945
Kapitolyo	Virac
Barangay	315
Pamamahala
• Gobernador nin Catanduanes	Joseph Cua
• Electorado	200,804 votantes (23 Enero 2025)
Hiwas
• Kabuuhan	1,492.16 km2 (576.13 sq mi)
Populasyon (Hulyo 1, 2024)[1][2]
• kabuuhan	261,169
• Densidad	180/km2 (450/sq mi)
• Saro	53,482
Economia
• Klase	ikatolo na klaseng probinsya
• Ingresos	₱1,431,837,062.06 (2022)
• Activos	₱4,703,171,476.43 (2022)
• Pasivos	₱1,025,037,025.11 (2022)
• Gastos	₱1,054,177,566.49 (2022)
PSGC	052000000
Kodigo telefonico	52
Tataramon	Tataramon na Virac Pandan Bikol Bikol Sentral
Websityo	catanduanes.gov.ph

An probinsya pigbilog kan isla kan Catanduanes (pigaapod man na Isla nin Virac), an Panay buda Palumbanes pati na ang mga saradit na mga isla na nakapalibot igdi.

Dati ining parte nin Ambos Camarines kan 1900 tapos nalipat sa Albay. Nagsadiri ini buda nabulag sa Albay kan panahon ni Kongresista Francisco Perfecto na pinasa an House Bill No. 301. Tinogotan ini buda pinirmahan ni Presidente Sergio Osmeña kan Oktubre 24, 1945, asin nagin ining batas. Si Remigio Socito, ang huring Lieutenant Governor, ang naging inot na gobernador kan probinsya. Kan eleksyon kang 1947, Alfonso V. Usero ang naging inot na gobernador kan probinsya. .

Ginikanan

Isla de Cobos an inot na ngaran kan Catanduanes, na nginaran kan mga Spanish conquistadores sa poon kan 1573 kan kadakol sindang nadalan na mga tirbo na nag'iirok sa mga kubo na pigaapod na cobos.

Catanduanes, sarong terminong Espanyol na hali sa katagang tandu, sarong beetle na mahihiling duman buda an samdong na puno, na pareho kaini dakol ang mahiling sa isla. Puon duman naging katanduan o kasamdongan, na nagtataram nin lugar na kung sain kadakol ang tandu o samdong, na sa kahaloyan nagin na an ngaran na Catanduanes.

Banga Pulitikal

An Catanduanes nababanga sa 11 banwaan:

Bagamanoc Baras Bato Caramoran Gigmoto Pandan

Panganiban (Payo) San Andres (Calolbon) San Miguel Viga Virac

Demograpiko

Taon	Tawo	±% p.a.
1903	39,410	—
1918	63,530	+3.23%
1939	98,545	+2.11%
1948	112,121	+1.44%
1960	156,329	+2.81%
1970	162,302	+0.38%
1975	172,780	+1.26%
1980	175,247	+0.28%
1990	187,000	+0.65%
1995	202,464	+1.50%
2000	215,356	+1.33%
2007	232,757	+1.08%
2010	246,300	+2.08%
2015	260,964	+1.11%
2020	271,879	+0.81%
Toltolan: Philippine Statistics Authority[3][4][5][6]

Kataytayan nin mga Ladawan

• 
  An kapitolyo probinsyal
• 
  Ati sa Twin Rock
• 
  Baybayon nin Talisoy
• 
  Baybayon nin Marilima
• 
  Baybayon nin Mamangal
• 
  Binurong point
• 
  Twin Rock
• 
  Salog na konektado sa talon nin Hicming sa Catanduanes