Jose Maria Panganiban

Si Jose Maria Panganiban (1 Pebrero 1863 – 9 Agosto 1890) sarong propagandistang Pilipino. Katuwang an ibang propagandista, pighingua nya na mapukawan an mga kahimanwâ nya sa mga pan-aabuso asin pan-aapi kan mga Kastila sa Pilipinas. Mahusay magsurat asin magdiskurso, madunong nanggad, sya saro sa mayor na tagaambag sa peryodikong La Solidaridad na kun sain pigtutulod nya an dapat na mga reporma sa mga palakaw kan mga Kastila sa pag-administrar kan Pilipinas. An mga artikulo nya nagdara kan tagong-ngaran na Jomapa o 'J.M.P.'

Jose Maria Panganiban
Kamundagan	José Maria Panganiban y Enverga (1863-02-01)Pebrero 1, 1863 Mambulao, Camarines, Captaincy General of the Philippines
Kagadanan	Error: Need valid death date (first date): year, month, day Barcelona, Spain
Mga bantayog	Jose Panganiban, Daet (1985), asin Syudad nin Naga (1930), Camarines Sur
Iba pang mga ngaran	Jomapa, J.M.P.
Alma mater	Holy Rosary Minor Seminary, Colegio de San Juan de Letran, University of Santo Tomas, University of Barcelona
Trabaho	parasurat, peryodista
Organisasyon	La Solidaridad, Asociacion Hispano-Filipina, masoneria
Relihiyon	Katoliko Romano

An peryodikong La Solidaridad

Sya namundag sa Mambulao na iyo an Jose Panganiban, Camarines Norte ngunyan.

Pagromdom ki Panganiban

Kan Setyembre 22, 1930, an Naga Parents Teachers Association, sa pamamayo ni Casimiro Perfecto, sa simpleng programa, binuksan an saklob sa hinaman pa sanang monumento ni Jose Ma. Panganiban sa sarong akto nin pagtaong onra sa bayani. Ini itinindog asin namumugtak sa natad kan Naga Central School I sa syudad nin Naga.^[1] An rebultong ini, na ginibo kan iskultor na si Tomas Zamora, iyo an pigtutubod na pinakainot na rebulto na hinaman sa pag-onra ki Panganiban, mala ta idtong monumento na itinindog para saiya mismo sa banwaan kan Jose Panganiban, Camarines Norte, nagibo man sana kan taon 1985.

An kalye na pasiring asin nasumpay sa Concepcion Pequena na dati inapod Kalye Legazpi kan panahon Kastila, saiya man ipigngaran na. An kalye na ini, Kalye Panganiban, saro sa pinakahalaba na tinampo sa syudad.

Kataytayan nin ladawan

• 
  Selebrasyon kan Ika-150ng Kaaldawan ni JOMAPA (Syudad nin Naga)
• 
  Selebrasyon kan Ika-150ng Kaaldawan ni JOMAPA
• 
  An monumento ni JOMAPA binagong pintura kan Pebrero 2014
• 
  Estatuwa ni JMP, kinaagan marker
• 
  Lumang monumento ki Panganiban
• 
  Kadiit na agi-agi sa buhay ni Jose Ma. Panganiban