Адзінкі вымярэньня

У фізыцы і тэхніцы адзінкі вымярэньня (адзінкі фізычных велічынь, адзінкі велічынь^[1]) выкарыстоўваюцца для стандартызаванага паданьня вынікаў вымярэньняў. Лікавае значэньне фізычнай велічыні вызначаецца як дачыненьне вымеранага значэньня да некаторага стандартнага значэньня, якое і зьяўляецца адзінкай вымярэньня. Лік з указаньнем адзінкі вымярэньня завецца найменным.

Адрозніваюць базавыя адзінкі вымярэньня, якія вызначаюцца з дапамогай эталёнаў, і вытворныя адзінкі, вызначаныя з дапамогай базавых. Выбар велічыні і колькасьці базавых адзінак вымярэньня можа быць адвольным і вызначаецца толькі традыцыямі або дамовамі. Існуе вялікая колькасьць розных сыстэм адзінак вымярэньня, якія адрозніваюцца выбарам базавых адзінак вымярэньня.

Дзяржава, як правіла, заканадаўча ўсталёўвае якую-небудзь сыстэму адзінак. Мэтралёгія бесьперапынна працуе над паляпшэньнем адзінак вымярэньня і базавых адзінак і эталёнаў.

Сыстэмы адзінак вымярэньня

Мэтрычныя сыстэмы

• СІ
• СГС
• МКС
• МКГСС

Традыцыйныя сыстэмы мер

• Літоўская сыстэма мер
• Ангельская сыстэма мер
• Расейская сыстэма мер
• Француская сыстэма мер
• Кітайская сыстэма мер
• Японская сыстэма мер
• Даўно састарэлыя (старажытнагрэцкая, старажытнарымская, старажытнаэгіпэцкая, старажытнабабілёнская, старажытнагабрэйская)

Адзінкі вымярэньня, згрупаваныя па фізычных велічынях

• Адзінкі вымярэньня масы (маса)
• Адзінкі вымярэньня тэмпэратуры (тэмпэратура)
• Адзінкі вымярэньня адлегласьці (адлегласьць)
• Адзінкі вымярэньня плошчы (плошча)
• Адзінкі вымярэньня аб'ёму (аб'ём)
• Адзінкі вымярэньня інфармацыі (інфармацыя)
• Адзінкі вымярэньня часу (час)
• Адзінкі вымярэньня ціску (ціск)
• Адзінкі вымярэньня струменя цеплыні (струмень цеплыні) (1 Грэтц (Gz))

Глядзіце таксама

• Адзінства вымярэньняў

Крыніцы

1. Афіцыйная назва па ДАСТ 8.417

Глядзіце таксама

• Прыстаўкі для ўтварэньня кратных і дзельных адзінак
• Гістарычная мэтралёгія