Бусьліныя

Бусьліныя (па-лацінску: Ciconiidae) — сямейства птушак з атраду буслападобных, якое ахоплівае шэсьць родаў і дзевятнаццаць відаў.

Бусьліныя
Белы бусел
Клясыфікацыя
Надцарства	Эўкарыёты
Царства	Жывёлы
Тып	Хордавыя
Кляса	Птушкі
Атрад	Буслападобныя
Сямейства	Бусьліныя
Бінамінальная намэнклятура
Ciconiidae
Бусьліныя на Віківідах  Бусьліныя ў Вікісховішчы ITIS 174895 · NCBI 8926

Сямейства бусьліных распаўсюджана ня толькі ў тропіках і субтропіках, але і ва ўмераных зонах. У Эўропе агняздоўваюцца толькі два віды — белы бусел (Ciconia ciconia) і чорны бусел (Ciconia nigra). Два іншыя віды лічацца надзвычай рэдкімі гасьцямі — жаўтадзюбы клювач (Mycteria ibis) і афрыканскі марабу (Leptoptilos crumeniferus).

У асноўным для пражываньня бусьліныя аддаюць перавагу адкрытым абшарам і вадаёмам. Агульнымі прызнакамі сямейства зьяўляюцца доўгія ногі, доўгая гібкая шыя, а таксама доўгая, канічная дзюба. Крылы, як правіла, шырокія і глыбока расчлянёныя. Усе бусьліныя зьяўляюцца выдатнымі летунамі, якія ўмела выкарыстоўваюць тэрмікі для эканоміі энэргіі ў палёце. Многія віды ажыцьцяўляюць далёкія пералёты кожны год.

Ежу бусьліныя падхопліваюць па хадзе палёту зь зямлі. Уваходзяць у яе, у асноўным, невялікія грызуны, амфібіі, рыбы, некаторыя бесхрыбетныя і некаторыя паўзуны. Некаторыя віды бусьліных — безгалосыя, адзіным вытворным імі гукам зьяўляецца стуканьне дзюбай. Аднак некаторыя віды цалкам пеўчыя, адным з прыкладаў можа паслужыць чорны бусел.

Клясыфікацыя

• Род буслы-дзюбачы (Mycteria)
  • Амэрыканскі дзюбач (Mycteria americana)
  • Шэры дзюбач (Mycteria cinerea)
  • Афрыканскі дзюбач (Mycteria ibis)
  • Дзюбач расьпісны (Mycteria leucocephala)
• Род буслы-разявакі (Anastomus)
  • Афрыканскі бусел-разявака (Anastomus lamelligerus)
  • Індыйскі бусел-разявака (Anastomus oscitans)
• Род буслы (Ciconia)
  • Чорны бусел (Ciconia nigra)
  • Падласы бусел (Ciconia abdimii)
  • Белашыйны бусел (Ciconia episcopus)
  • Малайскі шарсьцісташыйны бусел (Ciconia stormi)
  • Амэрыканскі бусел (Ciconia maguari)
  • Бусел белы (Ciconia ciconia)
  • Чарнадзюбы бусел (Ciconia boyciana)
• Род седладзюбыя ябіру (Ephippiorhynchus)
  • Седладзюбы ябіру (Ephippiorhynchus senegalensis)
  • Азіяцкі ябіру (Ephippiorhynchus asiaticus)
• Род ябіру (Jabiru)
  • Бразыльскі ябіру (Jabiru mycteria)
• Род марабу (Leptoptilos)
  • Яванскі марабу (Leptoptilos javanicus)
  • Афрыканскі марабу (Leptoptilos crumeniferus)
  • Індыйскі марабу (Leptoptilos dubius)

Вонкавыя спасылкі

• Народныя назвы асноўных прадстаўнікоў бусьліных