Ёакім Мэгле

Ёакім Мэгле (па-дацку: Joakim Mæhle‎; нар. 20 траўня 1997 году) — дацкі футбаліст, правы абаронца нямецкага клюбу «Вольфсбург» і нацыянальнай зборнай Даніі.

Ёакім Мэгле
Пэрсанальная інфармацыя
Нарадзіўся	20 траўня 1997(1997-05-20)[1][2] (28 гадоў) Ёстэрвро[d], Себю[d], Паўночная Ютландыя[d], Данія
Рост	1,86 м
Пазыцыя	скрайні абаронца
Клюбная інфармацыя
Клюб	Вольфсбург
Нумар	21
Клюбы
Гады	Клюб	Гульні (галы)¹
2016—2017	Ольбарг	24 (1)
2017—2021	Генк	105 (4)
2021—2023	Аталянта	80 (4)
2023—4	Вольфсбург	56 (4)
Зборныя
2017—2019	Данія (да 21)[d]	7 (2)
2020—4	Данія	52 (11)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 17 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 7 чэрвеня 2025.

Кар’ера

Футболам пачаў займацца ў родным мястэчку пакуль ня быў заўважаны скаўтамі «Ольбаргу» ў 12-гадовым узросьце^[3]. Ва ўзросьце 19 гадоў Мэгле далучыўся да табару асноўнага складу, падпісаўшы працоўнае пагадненьне з клюбам^[4]. Дэбют маладзёна прыпаў на 7 жніўня 2016 году, калі Мэгле выйшаў на замену на 89-й хвіліне ў матчы дацкага чэмпіянату супраць «Норшэляну». 11 лістапада 2016 году Мэгле падоўжыў кантракт да 2020 году^[5], але ўжо ў красавіку 2017 году «Ольбарг» пацьвердзіў, што яны вядуць перамовы з замежным клубам наконт Мэгле.

9 траўня 2017 году «Ольбарг» пацьвердзіў, што гулец пераходзіць да табару бэльгійскага клюбу «Генк»^[3]. Бэльгійцы разглядалі данца ў якасьці замены Тымаці Кастаню, які перайшаў у «Аталянту». Мэгле дэбютаваў за «Генк» 29 ліпеня 2017 году ў першым матчы сэзону супраць «Ваасьлянд-Бэвэрэну». У сваім першым сэзоне ў новым клюбе абаронца ня быў гульцом старту, саступаючы месца Клінтану Маце. Аднак, у другім сэзоне, пасьля сыходу Маты ў «Бруге», Мэгле травала замацаваўся ў стартавым складзе, стаўшы адным з ключавых футбалістаў клюбу. У тым жа сэзоне «Генк» стаў чэмпіёнам краіны.

22 сьнежня 2020 году «Генк» абвесьціў, што згодна з дамовай Мэгле падпісаў пяцігадовы кантракт з «Аталянтай» за 10 млн эўра. Ягоны пераход быў афіцыйна замацаваны 4 студзеня 2021 году^[6]. Абаронца дэбютаваў у Сэрыі А ў складзе клюбу 6 студзеня ў матчы супраць «Пармы», у якім «Аталянта» трывала паразу зь лікам 3:0. 28 лютага Мэгле дапамог клюбу здабыць перамогу зь лікам 2:0 над «Сампдорыяй».

Дасягненьні

«Генк»:

• Чэмпіён Бэльгіі: 2019