Іван Арашкевіч

Іва́н Арашке́віч (нар. 20 студзеня 2005 году) — беларускі футбаліст, паўабаронца койданаўскага «Арсэналу». Браты гульца, Яраслаў і Максім, таксама футбалісты.

Іван Арашкевіч
Пэрсанальная інфармацыя
Нарадзіўся	20 студзеня 2005(2005-01-20)[1] (20 гадоў) Берасьце, Беларусь
Пазыцыя	паўабаронца
Клюбная інфармацыя
Клюб	Арсэнал Койданаў
Нумар	13
Клюбы
Гады	Клюб	Гульні (галы)¹
2023—4	Арсэнал Койданаў	44 (0)
Зборныя
2024—4	Беларусь (да 21)	2 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 29 чэрвеня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 10 верасьня 2024.

Кар’ера

Выхаванец футбольнай акадэміі берасьцейскага «Дынама». У пачатку 2021 году далучыўся да берасьцейскана «Руху», але ў ліпені 2022 году прыяднаўся да структуры салігорскага «Шахцёра». У абодвух клюбах спаборнічаў толькі на юнацкім узроўні. Напрыканцы сакавіка 2023 году стаў гульцом койданаўскага «Арсэналу»^[2], склаўшы працоўную дамову да канца году. Дэбютаваў за каманду ў першалігавым матчы, які ладзіўся 2 красавіка, супраць петрыкаўскага «Шахцёра», зьявіўшыся на пляцоўцы на 65-й хвіліне сустрэчы. Гулец у тым сэзоне пераважна выходзіў на зьмены ў другіх таймах, тым ня менш згуляўшы агулам у 19 матчах. У сакавіку 2024 году ўзгодніў новую дамову з клюбам^[3]. 17 сакавіка запачаткаваў кар’еру ў Найвышэйшай лізе ў матчы супраць жодзінскага «Тарпэда-БелАЗ», зьявіўшыся ў стартавым складзе. Цягам сэзону стала гуляў у асноўным складзе, працягнуўшы кантракт па заканчэньні сэзону адразу на два гады^[4]. У пачатку 2025 году гульцу была зробленая апэрацыя^[5].