Арсэнал Койданаў

«Арсэна́л» — беларускі футбольны клюб з Койданава. Клюб хутка прайшоў шлях ад найніжэйшых дывізіёнай да Найвышэйшай лігі, у якой дэбютаваў у сэзоне 2022 году. Па выніках першага году ў элітным дывізіёне клюб страціў сваё месца, прагуляўшы ў пераходных матчах рагачоўскаму «Макслайну». З 2024 году клюб зноў спаборнічае ў Найвышэйшай лізе.

Арсэнал Койданаў
Заснаваны	2019
Горад	Койданаў, Беларусь
Стадыён	Гарадзкі Умяшчальнасьць: 1100
Галоўны трэнэр	Вячаслаў Вашкевіч[d][1]
Чэмпіянат	Найвышэйшая ліга
· 2024	10 месца
Галерэя здымкаў у Вікісховішчы

Гісторыя

Заснаваны ў 2019 годзе беларускім бізнэсоўцам Аляксеем Меляшэвічам разам з Алексам Русгальмам, прэзыдэнтам швэдзкай «Эскільстуны»^[2]. Аб стварэньні новага клюбу стала вядома ў студзені 2019 году^[3].

Каманда, складзеная ў асноўным зь нядаўніх дублёраў клюбаў найвышэйшай лігі, а таксама зь некалькіх дасьведчаных вэтэранаў і мясцовых гульцоў, адразу заявілася ў Другую лігу. Дружына пасьпяхова прайшла дыстанцыю, выйграла барацьбу з «Ашмянамі-БДУФК» за першы радок і стала чэмпіёнам Другой лігі.

У 2020 годзе каманда працягвала камплектавацца маладымі футбалістамі, а таксама некалькімі дасьведчанымі выканаўцамі. Празь неадпаведнасьць стадыёну ў Койданаве патрабаваньням хатнія матчы «Арсэнал» ладзіў на стадыёне РЦАР-БДУ ў Менску. Каманда добра пачала выступы ў Першай лізе, доўгі час вёў барацьбу за высокія месцы і магчымае прасоўваньне ў Найвышэйшую лігу, але пазьней стаў саступаць канкурэнтам і ў выніку стаў чацьвертым. У верасьні пасаду галоўнага трэнэра пакінуў Сяргей Ясковіч, замест яго кіраваць камандай стаў абаронца Павал Кірыльчык. У сэзоне 2021 году камандай працягваў кіраваць Павал Кірыльчык. Хатнія матчы «Арсэнал» стаў праводзіць на стадыёне «Гарадзея». Каманда хутка захапіла лідэрства ў табліцы і, не зважаючы на шэраг няўдалых адрэзкаў, захавала першы радок да канца турніру і выйшла ў найвышэйшую лігу.

У сэзоне 2022 году клюб захаваў асноўных гульцоў. У найвышэйшай лізе клюб стаў адным з аўтсайдэраў і доўгі час рухаваў у зоне вылету, аднак пасьпяховы фініш дазволіў скончыць чэмпіянат на 14 месцы з 16. У пераходных матчах за месца ў найвышэйшай лізе на наступны сэзон «Арсэнал» саступіў рагачоўскаму «Макслайну» (3:2, 1:3) і выбыў у першую лігу.

У пачатку 2023 году новым трэнэрам каманды быў прызначаны Сяргей Паўлюковіч, якога ў ліпені замяніў Аляксандар Бразевіч. «Арсэнал» выдатна пачаў сэзон у Першай лізе, здабыўшы перамогі ў першых дзесяці турах, і ў далейшым захаваў першы радок да канца турніру. За тры туры да фінішу забясьпечыўшы вяртаньне ў Найвышэйшую лігу. У канцы сьнежня зьявіліся зьвесткі, што клюб можа ня даць рады ў фінансавым складніку, каб узяць удзел у розыгрышы Найвышэйшай лігі^[4]. У наступныя месяцы стала вядома, што па дапамогу клюб зьвярнуўся да маскавіцкага «Лякаматыва», які склаў дамову аб супрацы з койданаўскім клюбам^[5]. Новым галоўным трэнэрам быў прызначаны расеец Вячаслаў Вашкевіч^[6].

Склад

Актуальны на 1 жніўня 2025 году

№ Пазыцыя Імя Год нараджэньня 1 Бр Іван Санько 1999 4 Аб Мікіта Ўласенка  2001 5 Аб Раман Вягера 2000 6 ПА Андрэй Ішуцін  2004 8 ПА Вадзім Аруцюнян  (ар. Лякаматыў) 2005 10 ПА Валеры Сянько 1998 11 ПА Юры Лавец 1996 13 Аб Іван Арашкевіч 2005 14 Аб Мацьвей Міхайрын 2005 18 Аб Аляксандар Міхаленка 2001 19 Нап Аляксандар Французаў (ар. Лякаматыў) 2004

№ Пазыцыя Імя Год нараджэньня 27 ПА Максім Гаявы 2002 30 Бр Арцём Сарока 1992 41 ПА Дзьмітры Луцік  2002 51 ПА Аляксандар Скшынецкі (капітан) 1990 55 ПА Мікіта Капленка 1995 63 ПА Фатхуло Алімзада  2005 77 ПА Мікалай Сотнікаў  2005 88 ПА Міхаіл Шчацінін  2005 99 Аб Кірыл Воўкаў (ар. Лякаматыў) 2006 — Аб Уладзіслаў Васільеў  2004

Статыстыка

Сэзон	Ліга	Месца	Г	В	Н	П	РМ	Пкт	Кубак
2019	Другая	1 ▲	28	25	1	2	119–14	76	1/16
2020	Першая	4	26	13	7	6	41–28	46	1/4
2021	Першая	1 ▲	33	20	8	5	59–22	68	1/8
2022	Найвышэйшая	14 ▼	30	5	8	17	18–42	23	1/8
2023	Першая	1 ▲	32	26	3	3	86–30	81	1/8
2024	Найвышэйшая	10	30	10	8	12	29–36	38	1/8