Іван Садаўнічы

Іван Садаўнічы (нарадзіўся 11 траўня 1987 году) — беларускі футбаліст, абаронца гарадзенскага «Нёману». Мае грамадзянства Казахстану^[3].

Іван Садаўнічы
Пэрсанальная інфармацыя
Нарадзіўся	11 траўня 1987(1987-05-11)[1] (38 гадоў) Горадня, БССР, СССР[2]
Рост	193 см[2]
Вага	85 кг[2]
Пазыцыя	абаронца
Клюбная інфармацыя
Клюб	Нёман Горадня
Нумар	20
Клюбы
Гады	Клюб	Гульні (галы)¹
2006	Нёман Горадня	0 (0)
2007—2010	Нёман-Белкард[d]	71 (5)
2011—2012	Віцебск	54 (4)
2013—2014	Нёман Горадня	32 (2)
2014—2015	Табол	41 (3)
2016—2017	Шахтар Караганда	30 (0)
2018	Жэтысу	15 (1)
2019	Кайсар	14 (0)
2021—4	Нёман Горадня	95 (8)
Зборныя
2021	Беларусь	1 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 чэрвеня 2025.

Кар’ера

Клюбная

Выхаванец гарадзенскага «Нёмана». Пазьней гуляў за іншы гарадзенскі клюб «Белкард». У 2011 годзе трапіў у «Віцебск», дзе трывала гуляў у асноўным складзе. У сакавіку 2013 году вярнуўся ў «Нёман»^[4]. У гарадзенскім клюбе неўзабаве замацаваўся на пазыцыі цэнтральнага абаронцы. Сэзон 2014 году распачаў як асноўны цэнтральны абаронца клюбу. У траўні 2014 году ня выступаў праз траўмы, пазьней вярнуў месца ў першым складзе.

У чэрвені 2014 году перайшоў у казаскі клюб «Табол»^[5]. Ужо ў ліпені 2014 году атрымаў грамадзянства Казахстану^[3]. У сакавіку 2016 году пасьля прагляду склаў дамову з карагандзінскім «Шахцёрам»^[6]. Перад пачаткам сэзону 2017 году атрымаў пашкоджаньне, празь якое выбыў да сканчэньня сэзону. У чэрвені 2017 году стала вядома, што Садаўнічы пакінуў карагандзінскі клюб^[7]. У лістападзе 2017 году трэнаваўся з гарадзенскім «Нёманам»^[8], але пазьней пастанавіў сабе працягнуць кар’еру ў Казахстане. У сакавіку 2018 году быў заяўлены за талдыкарганскі «Жэтысу». У студзені 2019 году далучыўся да кызылардзінскага «Кайсару»^[9]. На полі зьяўляўся эпізадычна, пераважна выходзячы на зьмену. У лютым 2020 году стала вядома, што беларускі абаронца пакідае клюб^[10].

Сэзон 2020 году прапусьціў праз траўмы, а ў пачатку 2021 году пачаў трэнавацца з гарадзенскім «Нёманам», зь якім у сакавіку падпісаў кантракт^[11]. Увосень 2022 году пачаў выкарыстоўвацца на пазыцыі нападніка^[12]. У сэзоне 2023 году вярнуўся на месца абаронцы. У студзені 2024 году падоўжыў пагадненьне з гарадзенцамі^[13].

Міжнародная

11 кастрычніка 2021 году дэбютаваў у нацыянальнай зборнай Беларусі, адгуляўшы другі тайм адборачнага матчу чэмпіянату сьвету 2022 году супраць зборнай Чэхіі (0:2).

Дасягненьні

«Кайсар»:

• Уладальнік Кубка Казахстану: 2019

«Нёман»:

• Срэбраны прызэр чэмпіянату Беларусі: 2023, 2024
• Уладальнік Кубка Беларусі: 2024, 2025