Ігар Сідарук

І́гар Хведаравіч Сідару́к (нар. 23 ліпеня 1964) — беларускі драматург, празаік і паэт.

Ігар Сідарук
Асабістыя зьвесткі
Нарадзіўся	23 ліпеня 1964(1964-07-23) (61 год) Кобрынь, Берасьцейская вобласьць, БССР
Літаратурная дзейнасьць
Род дзейнасьці	драматург, празаік, паэт
Жанр	драматургія
Мовы	беларуская, расейская
Значныя творы	"Галава"

Нарадзіўся ў Кобрыні 23 ліпеня 1964 году. Скончыў філялягічны факультэт Беларускага дзяржаўнага ўнівэрсытэту ў 1986 годзе. Зьведаў спэцыяльнасьці ад заліўшчыка гарачага мэталю да карэспандэнта незалежнае прэсы. Ад 1993 году працаваў загадчыкам літаратурна-драматычнай часткі Берасьцейскага тэатру лялек^[1]. Аўтар паэтычных зборнікаў «Чарнабел», «Саната Арганата», «Моўкнасьць», зборніка прозы «Квадратная варона», кнігі для дзяцей «Павучальныя гісторыі дзядзечкі Сіда Рука» і каля 20 п’ес, пераважна дзіцячых. Найбольш вядомая п’еса Ігара Сідарука «Галава», якая пабачыла сьвет у траўні 1992 году на сцэне Тэатру нацыянальнае драматургіі «Вольная сцэна» ў пастаноўцы вядомага нацыянальнага рэжысэра Валерыя Мазынскага.