Ігар Тышкевіч

Ігар Тышкевіч (нар. 1975, Баранавічы) — беларускі і ўкраінскі палітоляг.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Тышкевіч.

Ігар Тышкевіч
Дата нараджэньня	1975
Месца нараджэньня	Баранавічы, Берасьцейская вобласьць, БССР, СССР
Месца вучобы	БДУ
Занятак	палітоляг, інжынэр праграмнага забесьпячэньня

Жыцьцяпіс

Скончыў Беларускі дзяржаўны ўнівэрсытэт. Спэцыяльнасьць - праграміст. Стваральнік і кіраўнік агенцтва рэгіянальнага разьвіцьця «Варута» (Баранавічы). Пасьля пераехаў ва Ўкраіну. Жыве ў мястэчку Ворзэль.

Аўтар арыгінальных аналітычных публікацый аб беларускай і ўкраінскай палітыцы і эканоміцы. Цяпер пражывае ў Украіне. Аналітык Украінскага інстытута будучыні. У якасьці аналітыка супрацоўнічаў з Беларускім інстытутам стратэгічных дасьледаваньняў (BISS) і Belarus Security Blog. Аказваў кансультацыйныя паслугі National Democratic Institute.

Дасьледчыя інтарэсы: эвалюцыя палітычных сыстэм і палітычных інстытутаў у краінах, якія перажываюць трансфармацыю; грамадзкія адносіны, магчымасьці карэкцыі сыстэмы адносін і ўплыву на яе; сувязь эканамічных адносін і міжнароднай палітыкі, узаемны ўплыў; рэгіянальная палітыка - Усходняя Эўропа і Прычарнамор'е.

Экспэрт праграмы "Міжнародная і ўнутраная палітыка" Украінскага інстытуту будучыні (UIF).