Ікнілдзкая дарога

Ікнілдзкая вуліца, Рыкнілдзкая вуліца (па-ангельску: Icknield Street) — рымская дарога ў Брытаніі, якая пачынаецца ад Фос Ўэй у Буртан-он-зэ-Ўотэ, Глостэршыр (51.888° пн. ш. 1.767° з. д. / 51.888; -1.767) і сканчаецца ў Тэмплбора ў Паўднёвым Ёркшыры (53.418° пн. ш. 1.394° з. д. / 53.418; -1.394). Яна мінае Олстэр, Стадлі, Рэдыч, Мэчлі Форт, Бірмінггэм, Лічфілд і Дэрбі.

Назва

Участак Ікнілдзкае вуліцы, які захоўваецца ў парку Сатан

Гістарычна дарога мела назву Ікнілдзкая вуліца, але ў XII стагодзьдзі атрымала назву Рыкнілдзкая вуліца (па-ангельску: Ryknild Street) праз памылку чэстэрскага манаха Ранулфа Гігдэна, якую ён зрабіў у сваім «Поліхраніконе» ў 1344 року^[1]. У цяперашні час выкарыстоўваюцца абедзьве назвы ў спалучэньні з азначэньнем вуліца для таго, каб адрозьніваць яе ад старэйшага Ікнілдзкага шляху, дарогі жалезнага веку, якая вядзе з Норфалку да Дорсэту. Захаваную частку рымскае дарогі можна пабачыць у парку Сатан у Бірмінггэме^[2].

Сучасны маршрут

Большасьць маршруту Ікнілдзкае вуліцы выкарыстоўваецца сучаснымі дарогамі, больш за ўсё трасай A38 зь Лічфілду ў Дэрбі; на многіх участках захаваная назва «Ікнілдзкая вуліца», аднак не паўсюль дакладна. У Гоклі, Бірмінггэм, і ў Рэдычы, Ўустэршыр, таксама ёсьць дарога пад назвай Праезд «Ікнілдзкая вуліца», які знаходзіцца непадалёк ад рымскае дарогі. У Лічфілдзе траса завецца «Рыкнілдзкая вуліца», а ў Дэрбі — «Рыкнілдзкая дарога».

Глядзіце таксама

• Рымскія дарогі