Ільля Руцкі

Ільля́ Ру́цкі (нар. 3 сьнежня 1999) — беларускі футбаліст, паўабаронца жодзінскага клюбу «Тарпэда-БелАЗ».

Ільля Руцкі
Пэрсанальная інфармацыя
Нарадзіўся	3 сьнежня 1999(1999-12-03)[1] (25 гадоў) Берасьце, Беларусь[1]
Рост	176 см
Вага	69 кг[1]
Пазыцыя	абаронца
Клюбная інфармацыя
Клюб	Тарпэда-БелАЗ
Нумар	19
Клюбы
Гады	Клюб	Гульні (галы)¹
2017—2020	Белшына	50 (0)
2020	→ Спадарожнік	20 (0)
2021—2023	Славія Мазыр	66 (3)
2024—4	Тарпэда-БелАЗ	38 (2)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 чэрвеня 2025.

Кар’ера

Выхаванец берасьцейскай СДЮШАР-3 «Дынама». У восені 2015 году далучыўся да бабруйскай «Белшыны», дзе выступаў за юнацкія каманды. У 2017 годзе пачаў гуляць за асноўную каманду клюбу ў Першай лізе. У красавіку 2018 году падпісаў першы прафэсійны кантракт зь «Белшынай»^[2]. У сэзоне 2018 году замацаваўся ў стартавым складзе каманды, на наступны год дапамог ёй вярнуцца ў Найвышэйшую лігу. Да сэзону 2020 году рыхтаваўся зь «Белшынай», аднак у сакавіку 2020 году далучыўся да рэчыцкага «Спадарожніка»^[3], дзе таксама неўзабаве стаў гульцом першай адзінаццаткі. Пакінуў каманду па заканчэньні арэнды ў сьнежні 2020 году^[4]. У студзені 2021 году выправіўся на прагляд у мазырскую «Славію» і ў сакавіку падпісаў кантракт^[5]. Дэбютаваў у Найвышэйшай лізе 12 сакавіка 2021 году, адгуляўшы ўсе 90 хвілінаў у матчы першага тура супраць «Іслачы» (0:1).

У сьнежні 2023 году пакінуў «Славію»^[6] і неўзабаве стаў гульцом жодзінскага «Тарпэда-БелАЗ»^[7]. Замацаваўся ў асноўным складзе жодзінцаў, спрычыніўшыся да здабыцьця бронзавых мэдалёў айчыннага чэмпіянату. У лістападзе 2024 годзе падпісаў новы кантракт з клюбам^[8].

Дасягненьні

• Бронзавы прызэр чэмпіянату Беларусі: 2024