Іманоль Агірэчэ

Іманоль Агірэчэ Аруці (па-басконску: Imanol Agirretxe Arruti; нар. 24 лютага 1987 году, Усурбіль, Гішпанія) — былы гішпанскі футбаліст басконскага паходжаньня, нападнік.

Іманоль Агірэчэ
Пэрсанальная інфармацыя
Нарадзіўся	24 лютага 1987(1987-02-24)[1] (38 гадоў) Усурбіль[d], Beterri-Buruntza[d], Сан-Сэбастыян[d], Гіпускоа[d], Краіна Баскаў, Гішпанія
Рост	187 см
Вага	77 кг
Пазыцыя	нападнік
Клюбы
Гады	Клюб	Гульні (галы)¹
2004—2009	Рэал Сасьедад Б[d]	108 (33)
2005—2018	Рэал Сасьедад	246 (71)
2006—2007	→ Кастэльён[d]	8 (1)
Зборныя
2010—2015	Басконія[d]	5 (3)

Кар’ера

Іманоль зьяўляецца выхаванцам моладзевай акадэміі «Рэал Сасьедаду». Агірэчэ ўпершыню зьявіўся ў складзе першай каманды клюбу ў сэзоне 2004—2005 гадох, калі выйшаў на поле ў матчы супраць «Малягі» на апошнія 15 хвілінаў гульні. У наступных трох сэзонах разам узятых, ён зьявіўся толькі ў дзевяці матчах лігі, а таксама шэсьць месяцаў правёў у арэндзе ў складзе «Кастэльёну», які гуляў у другім дывізіёне.

У сэзоне 2008—2009 гадоў калі «Рэал Сасьедад» ужо другі год запар выступаў у Сэгундзе, Агірэчэ пачаў рэгулярна праходзіць у першы склад клюбу, у асноўным за кошт сур’ёзнай траўмы Іньніга Дыяса дэ Сэрыё, і здолеў забіць 9 галоў у 28 гульнях, але баскам зноўку не ўдалося вярнуцца ў Ля Лігу.

19 студзеня 2013 году выйшаўшы на замену за апошнія шэсьць хвілінаў у матчы супраць «Барсэлёны», Агірэчэ забіў пераможны гол на апошняй хвіліне, такім чынам клюб атрымаў перамогу зь лікам 3:2, пасьля таго як прайграваў зь лікам 0:2, а каталёнскі клюб скончылі сваю сэрыю гульняў без паразаў^[2].