Індэксны каталёг

Індэксны каталёг, Індэксны каталёг туманнасьцяў, або Індэксны каталёг туманнасьцяў і зорак (анг. The Index Catalogue, IC) — каталёг галяктык, туманнасьцяў і зорных скупнасьцяў, які зьяўляецца дадаткам да Новага агульнага каталёгу (NGC).

Узаемадзейныя галяктыкі IC 4687 і IC 4686.
Здымак спадарожніка Габл.

Дадатковы каталёг IC-I,^[1] складзены з 1529 аб’ектаў Джонам Людвігам Эмілем Дрэерам, зьявіўся ў 1895 годзе. Другі дадатак, IC-II,^[2] на 5386 аб’ектаў, быў апублікаваны ім жа ў 1908 годзе; колькасьць аб’ектаў дасягнула 13 226.

У каталёгу IC-I апублікаваныя аб’екты, выяўленыя візуальна паміж 1888 і 1894 гадамі. У каталёгу IC-II — аб’екты, выяўленыя паміж 1895 і 1907 гадамі. 1400 гэтых аб’ектаў былі выяўленыя візуальна вялікімі тэлескопамі, але большасьць была знойдзеная фатаграфічна. Большасьць аб’ектаў IC зьяўляюцца вельмі аддаленымі і слабымі. Некаторыя зь іх надзвычай складана або ўвогуле немагчыма выявіць візуальна.

Глядзіце таксама

• Каталёг Гэнры Дрэйпэра
• Новы агульны каталёг
• Каталёг Мэсье