Ірына Ханунік-Рамбальская

Ірына Ханунік-Рамбальская (нарадзілася 8 лютага 1983 году) — беларуская акторка і вядоўца тэлепраектаў «Большой завтрак» і «Столичные подробности» на тэлеканале «СТВ».^[1] Адна зь вядоўцаў навін «24 часа».

Ірына Ханунік-Рамбальская
Ірына Рамбальская
Род дзейнасьці	беларуская акторка і тэлевядоўца
Дата нараджэньня	8 лютага 1983 (42 гады)
Месца нараджэньня	Менск, БССР, СССР
Занятак	акторка, журналістка
Ірына Ханунік-Рамбальская ў Вікісховішчы

Біяграфія

Ірына Ханунік-Рамбальская скончыла школу з залатым мэдалём і атрымала адукацыю юрыста (чырвоны дыплём). Пасьля навучаньня прайшла юрыдычную практыку. Працавала фотамадэльлю.^[2] Таксама паўтара году адвучылася на факультэце журналістыкі.^[3]

На тэлеканале СТВ з 2006 году^[1]. Напачатку езьдзіла на здымкі з карэспандэнтамі, затым стала самастойна здымаць рэпартажы, а праз паўгоду стала вядоўцай «Столичные подробности».

У 2011 годдзе Ірына Ханунік-Рамбальская заваявала тытул супермаделі на міжнародным конкурсе прыгажосьці «Місыс Сусьвет — 2011», які адбыўся ў Баўгарыі. У 2012 годзе яна стала пераможцай міжнароднага конкурса прыгажосьці Mrs. Multiverse International, фінал якога адбыўся 18 сакавіка ў Амстэрдаме (Нідэрлянды)^[4].

Сям’я

• Маці — Ала Паўлаўна Назарава.
• Муж — армянін Джэймз Ханунік.
• Дачка — Ізабэла (нар. 31 сьнежня).^[2]

Фільмаграфія

• «Разьбіты лёс» (па-расейску: Разбитая судьба), 2010 г.
• «Усё, што нам трэба» (па-расейску: Всё, что нам нужно), 2010 г.^[5]
• «Каціна шчасьце» (па-расейску: Катино счастье)^[3]