Ўолтэр Мэй

Ўо́лтэр Мэй (Walter May; 1912, Брайтан^[1], Ангельшчына^[2] — 2006, Масква, Расея^[3]) — ангельскі паэт, перакладчык на ангельскую мову паэзіі і эпасу народаў СССР.

Ўолтэр Мэй
Walter May
Асабістыя зьвесткі
Імя пры нараджэньні	Walter May
Нарадзіўся	1912(1912) Брайтан, Вялікабрытанія
Памёр	2006(2006) Масква, Расея
Літаратурная дзейнасьць
Род дзейнасьці	паэт і перакладчык
Гады творчасьці	1950-я — 2000-я
Кірунак	пераклады
Жанр	верш
Мова	ангельская

Жыцьцяпіс

На працягу свайго жыцьця зьмяніў шмат прафэсіяў. На судабудаўнічым заводзе ў Шатляндыі працаваў дызайнэрам матораў мінаносцаў. Быў настаўнікам у школе. Добра майстраваў. Быў сябрам Камуністычнай партыі Вялікабрытаніі^[3]. У канцы 1960-х гадоў пераехаў жыць у Савецкі Саюз, дзе пазнаёміўся са сваёй другой жонкай — паэтэсай Людмілай Серастанавай^[4]. У Маскве працаваў рэдактарам-стылістам штотыднёвіка «Moscow News».^[1]

Літаратурная творчасьць

Вершы пачаў друкаваць у 1950-я гады. Упершыню наведаў Беларусь у 1967 годзе.^[5] Першыя пераклады зь беларускае мовы апублікаваў у 1968 годзе. Тады ж распачаў працу над перакладам на ангельскую мову анталёгіі сучаснае беларускае паэзіі «Цудоўны край Беларусі», у якую ўвайшлі творы 59 беларускіх паэтаў.^[1]

Ўолтэр Мэй і Янка Купала

Неаднакротна быў у Менску і Вязынцы.^[5]

«Над ціхай Вязынкай-ракой, нібы дыханьне краю чуўшы зблізку, я скалыхнуў удзячнаю рукой далёкі пілігрым яго калыску».

Ўолтэр Мэй (зь вершаванага запісу ў кнізе наведвальнікаў музэю Купалы ў Вязынцы ў перакладзе Я. Семяжона)[6]

Пераклаў 90 вершаў Янкі Купалы, сярод якіх «Мужык», «А хто там ідзе?», «Я не для вас…», «Адцьвітаньне», «За ўсё…», «Беларускім партызанам», «Я мужык-беларус», «Явар і каліна», «Мая навука», «Хлопчык і лётчык».^[5]

Прафэсійныя адзнакі і ўзнагароды

• Дыплём Камітэту друку СССР (за пераклад твораў А. Пушкіна)
• Вялікі залаты мэдаль Кыргыстану (за пераклад эпасу «Манас»)
• Залаты мэдаль імя Ч. Айтматава^[3]

Выбраная бібліяграфія

• Цудоўны край Беларусі. Анталогія сучаснай беларускай паэзіі (1976, пераклад на ангельскую)
• Я. Купала. Вершы (1982, пераклад на ангельскую)
• Я. Купала. Песня сонцу (1982, пераклад на ангельскую)
• Я. Колас. На прасторах жыцця (1982, пераклад на ангельскую)
• Позняе жніво (1982, пераклад з ангельскай на беларускую Р. Барадуліна, А. Вярцінскага, Н. Гілевіча, Г. Тумаса і інш.)^[1]
• Бесконечная нить (лирика) (1996)^[7]
• Кто были древние бритты? (2001, гістарычныя, геаграфічныя, этнаграфічныя і літаратурныя дасьледваньні)^[8]
• Л. Серостанова. Лирическая исповедь (2002, пераклад на ангельскую)
• Нартский эпос (2011, пераклад з асэтынскае мовы)
• Меридиан Любви (2013, паэтычная білінгва на расейскай і ангельскай мовах, разам з Л. Серастанавай)^[9]