Аблога Ля-Рашэлі

Аблога Ля-Рашэлі (па-француску: Le Siège de La Rochelle або франц. Le Grand Siège de La Rochelle) — значная ваенная й гістарычная падзея часоў валадараньня Людовіка XIII, што зьявілася вынікам вайны паміж каралеўскімі войскамі й гугенотамі Ля-Рашэлі ў 1627—1628 гадох. Аблога таксама зьяўляецца эпізодам ангельска-францускай вайны 1627—1629 гадоў. Яна скончылася абсалютнай перамогай караля Людовіка XIII і войскаў каталікоў.

Аблога Ля-Рашэлі
Паўстаньні гугенотаў
Кардынал Рышэльё на аблозе Ля-Рашэлі. Анры Матэ, 1881
Дата: верасень 1627 — кастрычнік 1628 Месца: Ля-Рашэль Вынік: перамога каралеўскага боку
Супернікі
Францыя	Ля-Рашэль Гугеноцкія сілы  Ангельшчына
Камандуючыя
Людовік XIII Кардынал Рышэльё Туара (Губэрнатар Іль дэ Рэ) Басамп’ер	Жан Гітон Бэнжамін дэ Раан Герцаг Бэкінггэм
Колькасьць
Войскі аблогі: 22 000 Туара: 1200	Ля-Рашэль: 27 000 цывільных і жаўнераў Бэкінггэм: 80 караблёў, 7000 жаўнераў
Страты
Войскі аблогі: ? Туара: 500 забітых	Ля-Рашэль: 22 000 забітых Бэкінггэм: 5000 забітых

Перадумовы

Нанцкі эдыкт Генрыха IV прадаставіў францускім гугенотам шырокія правы. Горад Ля-Рашэль стаў літаральна крэпасьцю гугенотаў, якая карысталася да таго ж поўным самакіраваньнем. У гэты пэрыяд Ля-Рашэль была другім па велічыні местам Францыі з больш чым 30 000 жыхароў.

Забойства Генрыха IV ў 1610 і ўзыход на сталец Людовіка XIII пры рэгенцтве Марыі Мэдычы адзначылі вяртаньне да пракаталіцкае палітыкі і аслабленьне пазыцыяў пратэстантаў. Пасьля паўстаньня гугенотаў пад правадырствам Анры дэ Раана ў 1625 годзе Людовік XIII, пераемнік Генрыха IV, абвесьціў гугенотам вайну. Першы міністар Людовіка кардынал Рышэльё абвесьціў здушэньне паўстаньня пратэстантаў галоўным прыярытэтам каралеўства.

Вонкавыя спасылкі

• Reproduction et making-of du tableau Le siège de La Rochelle commandé par Richelieu.  (фр.)
• Le Siège de La Rochelle.  (фр.)
• 1628 — Le siège de La Rochelle d’après les Mémoires du cardinal de Richelieu.  (фр.)