Абу Дабі

Абу́ Да́бі (па-арабску: أبو ظبي‎) — сталіца і адзін з самых вялікіх гарадоў Аб’яднаных Арабскіх Эміратаў, і эмірату з такой жа назвай. Горад разьмешчаны на калябярэжнай высьпе Абу Дабі ў Пэрсыдзкай затоцы. Колькасьць жыхароў набліжаецца да 1 млн чалавек.

Абу Дабі
Сьцяг Абу Дабі
Першыя згадкі:	1760
Краіна:	Аб’яднаныя Арабскія Эміраты
Кіраўнік:	Магамэд бін Зайд Аль-Нахаян[d]
Плошча:	67 340 км²
Вышыня:	14 м н. у. м.
Насельніцтва (2007)
колькасьць:	1 463 491 чал.
шчыльнасьць:	21,73 чал./км²
Часавы пас:	UTC+4
Тэлефонны код:	+9712
Геаграфічныя каардынаты:	24°27′4″ пн. ш. 54°23′49″ у. д.
Абу Дабі на мапе Аб’яднаных Арабскіх Эміратаў Абу Дабі
Галерэя здымкаў у Вікісховішчы
https://www.tamm.abudhabi/

Клімат

Клімат пераважна пустэльны, тэмпэратура часта дасягае адзнакі 40°С, а ападкі дасягаюць толькі 100 мм за год.

Эканоміка

Абу Дабі — важны эканамічны, фінансавы і культурны цэнтар краіны, мае вялікі марскі порт (Міна Заед), міжнародны аэрапорт. Разьвіцьцё гораду зьвязанае з экспартам, здабываемай у краіне нафты. Тут знаходзяцца таксама і прадпрыемствы па перапрацоўцы нафты, апрасьненьня марской вады. З астатняй часткай краіны горад злучаны аўтастрадай.

Гісторыя

Горад быў заснаваны ў 1760 годзе. Пра гэта існуе прыгожая легенда: паляўнічыя прасьледавалі газэль, яна доўга скакала па пустэльні, а потым вывела паляўнічых на ўзьбярэжжа Пэрсыдзкай затокі, дзе кінулася ў ваду і пераплыла на выспу. Паляўнічыя, рушыўшы за ёй, выйшлі да крыніцы з чыстай вадой. Удзячныя паляўнічыя не адпусьцілі жывёлу, а заснаванае тут паселішча назвалі Абу Дабі (бацька газэлі).

Славутасьці

• Люўр Абу Дабі

Вонкавыя спасылкі

Абу Дабі — сховішча мультымэдыйных матэрыялаў