Аднойчы ў Барахляндыі

Адно́йчы ў Барахля́ндыі — сьвяточная кінаказка 2010 году ў жанры мюзыклу. Здымкі праходзілі ў лістападзе 2009 г. цягам двух тыдняў у 7 начных зьменаў у музэі пад адкрытым небам «Строчыцы» (Менскі раён) і менскай кавярні «Камяніца». Уся праца ад напісаньня сцэнару да канчатковага адгляду заняла 2 месяцы^[1]. Першы паказ стужкі адбыўся ў навагоднюю ноч на спадарожнікавым тэлеканале «Белсат». У першыя хвіліны Старога Новага 2011 году на Tut.by адбылася сеціўная прэм’ера тэлеказкі^[2]. 15 студзеня 2012 г. рэжысэр Мацей Сабураў выклаў запіс стужкі ў вольны доступ^[3].

Аднойчы ў Барахляндыі
Сьнежны завулак 10, альбо Аднойчы ў Барахляндыі
Жанр	Мюзыкл
Рэжысэр	Мацей Сабураў
Сцэнарыст	Лявон Вольскі
Прадусар	Ганна Вольская
У ролях	Алег Гарбуз, Ганна Хітрык, Міхась Зуй
Дыктар	Алег Хаменка
Кампазытар	Павал Трацяк
Апэратар	Аляксандар Смаляк
Мантаж	Юры Вараб'ёў
Вытворчасьць	Вігма
Дата выхаду	2010
Працягласьць	64 хвіліны
Краіна	Беларусь
Мова	Беларуская
Папярэдні	Сьнежны завулак 9 (2009)

Дзея

Адважны і нязграбны прынц Бадмінтон змагаецца за сэрца прынцэсы Бульвінеі. Іхняму каханьню супраціўляецца бацька прынцэсы кароль Барахлей ХІІ. Усе правы на сьвяточную кінаказку належаць тэлеканалу Белсат.

Ролі

Большасьць выканаўцаў былі акторамі Купалаўскага тэатру, якія мелі досьвед здымак у кіно^[4]:

• Кароль Барахлей XII — Алег Гарбуз
• Прынцэса Бульвінея — Ганна Хітрык
• Прынц Бадмінтон — Міхась Зуй
• Каралева Шамбэля — Сьвятлана Зелянкоўская
• Воўк-Заянчкоўскі — Сяргей Рудзеня
• Каргота — Натальля Качаткова
• Непралазенка — Арцём Бародзіч
• Дарадца — Андрэй Дробыш
• Пісар — Лявон Вольскі
• Чараўнік — Яўген Калмыкоў
• Скарбнік — Павал Яскевіч
• Цырымонімайстар — Сяргей Кавальскі
• Вартаўнікі — Міхась Есьман, Зьміцер Есяневіч
• Адлюстраваньне — Алег Хаменка
• Маргарыта Сьцяпанаўна — Ганна Вольская
• Містэр Падключальнік — Аляксандар Кухто
• Фройліны — Яўгенія Кульбачная, Ліза Лазарэвіч
• Чароўны Трусік — Мацей Сабураў

Суправаджэньне

У стужцы выконваліся 7 песьняў на словы й музыку Лявона Вольскага:

1. Дзяржава — гэта я (Алег Гарбуз);
2. З гэтай вежы (Ганна Хітрык)
3. Толькі так (Сяргей Рудзеня, Натальля Качаткова і Арцём Бародзіч)
4. Усё — за каханьне (Міхась Зуй)
5. Пусікі-сімпампусікі (Алег Гарбуз)
6. Мужчыны як дзеці (Сьвятлана Зелянкоўская і Ганна Хітрык)
7. Дай сьвятло нам, Сьвяты Мікалай (супольна)^[5].