Ганна Хітрык

Ганна Сяргееўна Хітрык (нар. 25 чэрвеня 1980, Чалябінск, РСФСР, СССР) — беларуская акторка, сьпявачка.

Ганна Хітрык
Дата нараджэньня	25 чэрвеня 1980 (45 гадоў)
Месца нараджэньня	Чалябінск, РСФСР, СССР
Месца вучобы	Беларуская дзяржаўная акадэмія мастацтваў (2001)
Занятак	акторка, сьпявачка
Месца працы	Сучасны мастацкі тэатр[d] Беларускі рэспубліканскі тэатар юнага гледача Дзецідзяцей
Сябра ў	Дзецідзяцей
Ганна Хітрык у Вікісховішчы

Біяграфія

Ганна нарадзілася 25 чэрвеня 1980 году. У 1998—2001 гадах вучылася ў Беларускай дзяржаўнай акадэміі мастацтваў па спэцыяльнасьці «акторскае мастацтва тэатру лялек». На 3-м курсе рэжысэр Аляксандар Гарцуеў запрасіў дзяўчыну ў спэктакль «Брат мой, Сіман...», пастаўлены на сцэне Купалаўскага тэатру. Так пачалася праца Ганны ў якасьці драматычнай актрысы. Цяпер яна адна з самых запатрабаваных менскіх акторак, прымае актыўны ўдзел у жыцьці тэатра й культурных падзеях гораду.

З 2001 году грае ў Сучасным мастацкім тэатры, з 2007 году ў Беларускім рэспубліканскім Тэатры юнага гледача. У 2005 годзе Ганна й іншыя акторы менскіх тэатраў утварылі музычны гурт «Дзецідзяцей», дзе яна зьяўляецца вакалісткай^[1]. Гурт праіснаваў 5 гадоў і ў чэрвені 2010 году спыніў дзейнасьць, маючы тры паўнавартасных альбомы на сваім рахунку. 2 кастрычніка ў Палацы культуры вэтэранаў адбылася прэзэнтацыя новага праекту Ганны Хітрык – S*unduk. Гэта першы Ганьнін выхад на музычную сцэну пасьля прыпыненьня дзейнасьці гурту «Дзецідзяцей».

Муж Сяргей, сын Сьцяпан, у 2017 годзе пераехала зь сям’ёй у Ізраіль^[2].