Алег Шатаў

Але́г Ша́таў (па-расейску: Олег Шатов; нар. 29 ліпеня 1990 году, Ніжні Тагіл, СССР) — расейскі футбаліст, паўабаронца. Гулец нацыянальнай зборнай Расеі. У жніўні 2023 году спыніў кар’ру гульца, каб навучыцца на трэнэра.

Алег Шатаў
Пэрсанальная інфармацыя
Нарадзіўся	29 ліпеня 1990(1990-07-29)[1][2] (35 гадоў) Ніжні Тагіл, Сьвярдлоўская вобласьць, РСФСР, СССР
Рост	173 см
Вага	64 кг
Пазыцыя	паўабаронца
Клюбы
Гады	Клюб	Гульні (галы)¹
2007—2011	Урал	127 (16)
2012—2013	Анжы Махачкала	34 (3)
2013—2020	Зэніт	139 (23)
2018	→ Краснадар	6 (1)
2020—2021	Рубін Казань	24 (1)
2022—2023	Урал	15 (1)
Зборныя
2010—2011	Расея (да 20)[d]	4 (2)
2010—2013	Расея (да 21)[d]	15 (3)
2013—2016	Расея	28 (2)

Кар’ера

Клюбная

Пачаў кар’еру ў футзальным клюбе «ВІЗ-Сінара», аднак у 2007 годзе далучыўся да футбольнага клюбу «Ўрал», дзе зь цягам часу стаў асноўным гульцом каманды. 19 лістапада 2010 году быў абраны найлепшым гульцом паводле вынікаў сэзону сярод заўзятараў. У студзені 2012 году адправіўся на зборы з клюбам ЦСКА, але ў хуткім часе стаў гульцом махачкалінскага «Анжы».

14 жніўня 2013 году перайшоў у табар піцерскага «Зэніту»^[3], пасьля таго як дагестанскі клюб зьмяніў стратэгію разьвіцьця й значна скараціў выдаткі на каманду.

Міжнародная

Дэбютаваў у зборнай Расеі ў матчы супраць зборнай Ісьляндыі 6 лютага 2013 году, выйшаўшы на замену на 46-й хвіліне гульні. На 66-й хвіліне ён забіў гол пасьля перадачы Рамана Шырокава^[4].

Дасягненьні

«Зэніт»:

• Чэмпіён Расеі: 2015, 2019, 2020
• Уладальнік Кубка Расеі: 2016, 2020
• Уладальнік Супэркубка Расеі: 2015, 2016