Альбрэхт Альтдорфэр

Альбрэхт Альтдорфэр (ням. Albrecht Altdorfer; 1480, Рэгенсбург — 14 лютага 1538) — нямецкі мастак, графік і архітэктар. Пісаў рэлігійныя і алегарычныя карціны, першым у эўрапейскім малярстве ствараў пэйзаж без фігур. Кіраўнік і найвыдатнейшы прадстаўнік Дунайскай школы малярства.

Альбрэхт Альтдорфэр
Дата нараджэньня	1480[1][2][3][…]
Месца нараджэньня	Рэгенсбург, Баварыя[4] або Altdorf bei Nürnberg[d], Nürnberger Land[d], Сярэдняя Франконія[d], Каралеўства Баварыя[d], Баварская акруга[d], Сьвятая Рымская імпэрыя[5][6]
Дата сьмерці	12 лютага 1538(1538-02-12)[7][8][9][…]
Месца сьмерці	Рэгенсбург, Баварыя[5]
Занятак	маляр, архітэктар, ілюмінатар рукапісаў, мастак-гравэр, гравэр па медзі, будаўнік
Навуковая сфэра	малярства і архітэктура
Плынь	нямецкае Адраджэньне[d]
Подпіс
Альбрэхт Альтдорфэр у Вікісховішчы

Біяграфія

Нарадзіўся каля 1480 году ў Рэгенсбургу, дзе яго бацька Ульрых Альтдорфэр некалькімі гадамі раней атрымаў статус мяшчаніна (у 1491 годзе бацька праз фінансавыя цяжкасьці адмовіўся ад рэгенсбурскага грамадзянства і пакінуў места).

У 1505 годзе аднавіў грамадзянства ў Рэгенсбургу. У 1507 годзе ўпершыню пачаў ставіць свой подпіс на гравюрах, створаных з імітацыяй знакамітай манаграмы Альбрэхта Дурэра.

У 1517 годзе, будучы вядомым грамадзянінам і мяючы заказы ад караля Максыміліяна I, стаў сябрам мескай рады. У 1526 годзе атрымаў пасаду галоўнага архітэктара Рэгенсбургу.

Галерэя

• 
  Сьвятыя Марыя і Ян Хрысьціцель побач з укрыжаваным Хрыстом, 1512 г.
• 
  Уваскрасеньне Хрыста (белая харугва з чырвонай паласой пасярэдзіне), 1518 г.
• 
  Купаньне Сузанны, 1526 г.
• 
  Бітва Аляксандра, 1528 г.