Аляксандар Катовіч

Аляксандар Катовіч (каля 1622 — 30 лістапада^[1] 1686^[2], Вільня) — рэлігійны й дзяржаўны дзяяч ВКЛ. Са шляхецкага роду Катовічаў, сын Яна Катовіча, брат Астафея Катовіча.

Вікіпэдыя мае артыкулы пра іншых асобаў з прозьвішчам Катовіч.

Аляксандар Катовіч

23-і біскуп Віленскі
9 красавіка 1685 — 30 лістапада 1686
Папярэднік	Мікалай Стафан Пац
Наступнік	Канстанты Казімер Бжастоўскі
Асабістыя зьвесткі
Нарадзіўся	каля 1622 Адэльск, Гарадзенскі павет, Троцкае ваяводзтва, Вялікае Княства Літоўскае
Памёр	30 лістапада 1686 Вільня
Пахаваны	Касьцёл Сьвятых Станіслава і Ўладзіслава
Род	Катовічы
Бацькі	Ян Катовіч
Дзейнасьць	каталіцкі сьвятар, каталіцкі біскуп

Біяграфія

У 1644 годзе атрымаў у Віленскай езуіцкай акадэміі (цяпер Віленскі ўнівэрсытэт) тытул магістра філязофіі, пасьля вывучаў тэалёгію й кананічнае права. Пасьля прыняцьця капланскіх пасьвячэньняў у 1652 годзе — канонік смаленскі. Ад 1652 году студэнт Падуанскага ўнівэрсытэту. У 1657 годзе стаў віленскім канонікам, у 1661 годзе — схалястыкам(pl), выконваў функцыі афіцыяла (судовага вікарыя) ў біскупскай кансысторыі й аўдытара біскупскае курыі. Сакратар каралеўскі й рэгент вялікае канцылярыі ВКЛ у 1664—1672 гадах.

У 1658 годзе пасол Рэчы Паспалітай да расейскага ваяводы Юр’я Далгарукава. У 1671 годзе сакратар пасольства ў Маскоўскае княства Яна Гнінскага(ru). Ува ўзнагароду быў намінаваны 27 лютага^[3] 1673 году каралём на смаленскага біскупа. У 1679 годзе стаў сябрам Скарбовага Трыбуналу Літоўскага.

У 1684 годзе атрымаў каралеўскую намінацыю на віленскую дыяцэзію, але капітула прызналу намінацыю толькі пасьля таго, як Катовіч атрымаў папскую падтрымку. 29 верасьня 1685 году кананічна ўзначаліў дыяцэзію^[2]. Правёў сынод. У 1685 годзе заснаваў Віленскі кляштар місіянэраў.

Працы

• «Constitutiones et Decreta Synodi Dioecesis Vilnensis» (Вільня, 1681)
• «Listy pasterskie do kaznodziejów dyjecezyi wileńskiéj» (Вільня, 1685)