Аляксандар Нячаеў

Алякса́ндар Аляксандравіч Няча́еў (нар. 21 красавіка 1994) — беларускі футбаліст, брамнік «Гомля».

Аляксандар Нячаеў
Пэрсанальная інфармацыя
Нарадзіўся	21 красавіка 1994(1994-04-21)[1][2] (31 год) Берасьце, Беларусь[3]
Рост	187 см
Вага	77 кг[1]
Пазыцыя	брамнік
Клюбная інфармацыя
Клюб	Гомель
Нумар	1
Клюбы
Гады	Клюб	Гульні (галы)¹
2010—2015	Дынама Берасьце	0 (0)
2015	→ Кобрынь	4 (0)
2017	Ліда	23 (0)
2018—2021	Рух Берасьце	59 (0)
2022	Сабах	0 (0)
2023	Менск	23 (0)
2024—4	Гомель	17 (0)
Зборныя
2014	Беларусь (да 21)	2 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 чэрвеня 2025.

Кар’ера

Клюбная

Выхаванец берасьцейскай СДЮШАР-5. З 2010 году пачаў выступаць за дубль мясцовага «Дынама». Зь цягам часу замацаваўся ў дублі, стаў прыцягвацца да асноўнай каманды, аднак гэтак і не згуляў за яе. У пачатку 2015 году быў аддадзены ў арэнду ў «Кобрынь», аднак у ліпені таго ж году вярнуўся ў «Дынама»^[4]. 1 жніўня 2015 году дэбютаваў за «Дынама» ў матчы Кубка Беларусі супраць «Бярозы-2010» (2:3), правёўшы на полі ўсе 90 хвілінаў. Да канца сэзону працягваў гуляць за дубль. У пачатку 2016 году пакінуў берасьцейскі клюб.

У сакавіку 2017 году стаў гульцом «Ліды»^[5], дзе замацаваўся ў стартавым складзе. Пакінуў лідзкі клюб у студзені 2018 году^[6] і ў хуткім часе далучыўся да берасьцейскага «Руха». Стаў асноўным брамнікам каманды, прайшоў зь ёй шлях ад Другой да Найвышэйшай лігі. У сэзоне 2020 году чаргаваўся ў складзе з Раманам Сьцяпанавым, а ў 2021 годзе быў другім брамнікам пасьля Паўла Паўлючэнкі. Згуляў у адным матчы чэмпіянату і двух матчах Кубка Беларусі.

У студзені 2022 году паводле пагадненьня бакоў пакінуў «Рух» і падпісаў кантракт на 1,5 гады з азэрбайджанскім клюбам «Сабах»^[7]. Быў рэзэрвовым брамнікам, згуляў толькі ў адным матчы ў Кубку Азэрбайджану. У студзені 2023 году пакінуў «Сабах»^[8]. У лютым 2023 году стаў гульцом «Менску»^[9], дзе замацаваўся ў якасьці асноўнага брамніка. У сьнежні 2023 году па заканчэньні дамовы зышоў з сталічнага клюбу^[10].

У студзені 2024 году прыяднаўся да «Гомля»^[11]. У новым клюбе ня быў першым выбарам трэнэра, згуляўшы ў чэмпіянаце 2024 году толькі ў пяці першых і пяці апошніх матчах каманды. На пачатку 2025 году ўзгодніў новы кантракт з «Гомлем»^[12].

Міжнародная

У 2014 годзе прыцягваўся да моладзевай зборнай Беларусі ў якасьці рэзэрвовага брамніка. Згуляў за зборную ў двух матчах, як то 13 жніўня супраць зборнай Малдовы і 4 верасьня супраць зборнай Ліхтэнштайну, выходзячы на замены.