Аляксандар Фралоў

Алякса́ндар Уладзі́меравіч Фрало́ў (1948, Горадня, цяпер Беларусь) — беларускі кардыёляг.

Аляксандар Фралоў
Дата нараджэньня	30 студзеня 1948 (77 гадоў)
Месца нараджэньня	Горадня, Беларуская ССР, СССР
Месца вучобы	Ленінградзкі інстытут авіяцыйнага прыладабудаваньня (1972)
Навуковая сфэра	кардыялёгія
Месца працы	Рэспубліканскі навукова-практычны цэнтар кардыялёгіі (з 1976-га)
Вядомы як	арганізатар сэрыйнага выпуску лічбавых дыягнастычных прыладаў і апраграмаваньня ў Беларусі
Навуковая ступень	доктар навук (1996)
Узнагароды	Дзяржаўная прэмія Беларусі (1996)

Доктар біялягічных навук (1996) і ляўрэат Дзяржаўнай прэміі Беларусі (1996). Аўтар навуковых працаў пра апрацоўку сыгналаў у галіне мэдычнай інфарматыкі. Наладзіў у Беларусі сэрыйны выпуск лічбавых дыягнастычных прыладаў і апраграмаваньня^[1].

У 1972 годзе скончыў Ленінградзкі інстытут авіяцыйнага прыладабудаваньня (Расейская СФСР). З 1973 году працаваў у Менскім мэдычным інстытуце. У 1976-м уладкаваўся ў Беларускі навукова-дасьледчы інстытут кардыялёгіі, дзе ў 2000 годзе стаў загаднікам лябараторыі^[2].