Аляксандар Хадкевіч (ваявода троцкі)

Аляксандар Хадкевіч (памёр 1626) — з 1605 году ваявода троцкі, граф (Сьвятой Рымскай імпэрыі) на Шклове і Мышы.

Аляксандар Хадкевіч

Асабістыя зьвесткі
Нарадзіўся	1560[1] Трокі, Вялікае Княства Літоўскае
Памёр	1626[2]
Род	Хадкевічы
Бацькі	Ян Хадкевіч Крысьціна Збароўская[d]
Дзеці	Ганна Эўфрасіньня Хадкевіч[d][3]
Дзейнасьць	вайсковец

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Аляксандар Хадкевіч.

Быў старэйшым братам Яна Караля Хадкевіча. Вывучаў філязофію і права ў езуіцкай акадэміі ў Інгалштаце. У 1588 абараніў і абвесьціў дысэртацыю De communibus naturalium rerum principiis. У 1589 для заканчэньня штудый выехаў у Італію. У 1590 вярнуўся ў ВКЛ. У 1595 быў паслом на сойм. У 1600 разам з братам Янам Каралем удзельнічаў у выправе Я. Замойскага на Валахію, у 1601 падтрымліваў збройныя дзеяньні ў Інфлянтах. Удзельнічаў у бітве пад Кірхгольмам у 1605. Стаў ваяводам троцкім, але меў працяглы асабісты канфлікт з малодшым братам, за падзел маёмасьці і жаніцьбы, а пасьля яго сьмерці, зь Львом Сапегам за яго спадчыну.

У 1613 годзе быў абраны да Скарбовага Трыбуналу ВКЛ. У 1613 годзе быў вызначаны сэнатарам рэзыдэнтам. Адзіная дачка Ганна-Фрузына выйшла замуж за кароннага харунжага Пракопа Сяняўскага.