Аляксандар Шпак

Аляксандар Пятровіч Шпак (нар. 1948, Чапаеўка, цяпер Вышгарадзкі раён, Кіеўская вобласьць, Украіна — 2022) — беларускі эканаміст.

Аляксандар Шпак
Дата нараджэньня	16 красавіка 1948
Месца нараджэньня	Чапаеўка, Чарнобыльскі раён, Кіеўская вобласьць, Украінская ССР, Савецкі Саюз
Дата сьмерці	8 жніўня 2022[1]
Месца вучобы	Украінская сельскагаспадарчая акадэмія (1971)
Занятак	эканаміст
Навуковая сфэра	эканоміка
Месца працы	«Інстытут сыстэмных дасьледаваньняў у АПК»
Вядомы як	распрацоўнік канцэпцыі праграмы рэфармаваньня сельскай гаспадаркі Беларусі шляхам пераходу да рынкавага гаспадараньня (1994)
Навуковая ступень	доктар навук (1999)
Узнагароды	Ганаровая грамата Мінсельгасхарчу Беларусі (2008) і Нацыянальнай акадэміі навук Беларусі (2013)

Аўтар навуковых працаў пра ўкладаньні ў сельскую гаспадарку. У 1994 годзе распрацаваў канцэпцыю, што лягла ў аснову дзяржаўнай праграмы рэфармаваньня сельскай гаспадаркі Беларусі шляхам пераходу да рынкавага гаспадараньня. Доктар эканамічных навук (1999) і прафэсар^[2]. 7-ы кіраўнік «Інстытуту сыстэмных дасьледаваньняў у АПК» (2012—2018).

Жыцьцяпіс

У 1971 годзе скончыў Украінскую сельскагаспадарчую акадэмію і працаўладкаваўся навуковым супрацоўнікам у Беларускі навукова-дасьледчы інстытут сельскагаспадарчай вытворчасьці, дзе ў 1973—1976 гадох праходзіў падрыхтоўку ў асьпірантуры. У 1994 годзе стаў намесьнікам кіраўніка БелНДІ эканомікі і інфармацыі АПК^[3]. У 2006—2008 гадох узначальваў прадпрыемства «БелНДІ ўкараненьня новых формаў гаспадараньня ў АПК» Нацыянальнай акадэміі навук Беларусі да яго ўлучэньня ў склад «Інстытут сыстэмных дасьледаваньняў у АПК», дзе заняў пасаду намесьніка кіраўніка. У 2012—2018 гадох узначальваў «Інстытут сыстэмных дасьледаваньняў у АПК». Зь 2019 году працаваў тамсама загаднікам аддзелу эканамічнага рэгуляваньня.