Аляксандраўская гімназія (Гомель)

Аляксандраўская гімназія — помнік архітэктуры канца XIX ст. у Гомлі. Знаходзіцца на рагу гістарычных Аляксандраўскай і Магілёўскай вуліцаў^[a]. Твор архітэктуры нэаклясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі. Цяпер тут месьціцца адміністрацыйна-навучальны корпус Беларускага дзяржаўнага ўнівэрсытэту транспарту.

Помнік грамадзянскай архітэктуры
Аляксандраўская гімназія
Аляксандраўская гімназія
Краіна	Беларусь
Места	Гомель
Каардынаты	52°25′56″ пн. ш. 31°00′14″ у. д.
Архітэктурны стыль	нэаклясыцызм
Аўтар праекту	Станіслаў Шабунеўскі
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Аляксандраўская гімназія на мапе Беларусі Аляксандраўская гімназія
Аляксандраўская гімназія на Вікісховішчы

Гісторыя

Мураваны будынак клясычнай мужчынскай гімназіі ў Гомлі збудавалі ў 1897—1898 гадох паводле праекту архітэктара Станіслава Шабунеўскага. Назва гімназіі — ад імя маскоўскага гаспадара Алякандра III.

Будынак пацярпеў у Другую сусьветную вайну, пры паваеннай рэканструкцыі ў бакавых крылах надбудавалі трэці паверх (інжынэр Рыгор Ханін).

У Гомельскім абласным краязнаўчым музэі захоўваецца бронзавая закладная дошка на пачатак будаваньня гімназіі.

Архітэктура

Помнік архітэктуры нэаклясыцызму. Гэта 2-павярховы П-падобны ў пляне будынак. Буйныя падзелы галоўнага фасада і бакавых рызалітаў (больш высокія памяшканьні на другім паверсе) надаюць будынку манумэнтальнасьць. Парадны ўваход галоўнага фасада вылучаецца портыкам з элемэнтамі карынцкага і дарычнага ордэраў і завяршаецца трыкутным франтонам. Сьцены, аздобленыя ліштвамі, ляпнымі ўстаўкамі, цягамі, мэандрам, завяршаюцца багата дэкараваным фрызам і разьвітым прафіляваным карнізам. Вокны першага паверху прастакутныя, другога — аркавыя.

Унутраны плян калідорны з аднабаковым разьмяшчэньнем клясных памяшканьняў. У цэнтральнай частцы на галоўнай восі парадны вэстыбюль з 3-маршавымі сходамі, абапал якіх клясныя і адміністрацыйныя памяшканьні. У крыле, арыентаваным на гістарычную Магілёўскую вуліцу, разьмяшчаліся актавая і гімнастычная залі^[1].

Галерэя

Гістарычныя здымкі і графіка

• Старыя здымкі і графіка
• 
  С. Шабунеўскі, 1897 г.
• 
  С. Шабунеўскі, 1897 г.
• 
  1901 г.
• 
  да 1918 г.

• 
  да 1918 г.
• 
  да 1918 г.
• 
  1911 г.
• 
  1941—1943 гг.

Сучасныя здымкі

• Сучасны стан
• 
  Агульны выгляд
• 
  Уваход
• 
  Фрагмэнт
• 
  Фрагмэнт

Заўвагі

1. Цяперашні афіцыйны адрас — вуліца Камсамольская, 9