Андрэй Патапенка

Андрэ́й Пата́пенка (нар. 9 лютага 2000) — беларускі футбаліст, паўабаронца «Гомля» (у арэндзе з барысаўскага БАТЭ).

Андрэй Патапенка
Пэрсанальная інфармацыя
Нарадзіўся	9 лютага 2000(2000-02-09) (25 гадоў) Менск, Беларусь[1]
Рост	176 см
Вага	68 кг[2]
Пазыцыя	паўабаронца
Клюбная інфармацыя
Клюб	Гомель (у арэндзе з клюбу «БАТЭ»)
Нумар	23
Клюбы
Гады	Клюб	Гульні (галы)¹
2018—2021	БАТЭ	0 (0)
2020	→ Арсэнал Койданаў	4 (0)
2020	→ Смалявічы	8 (0)
2021	→ Слуцак	26 (1)
2022—2023	Гомель	52 (3)
2024—4	БАТЭ	3 (0)
2024—4	→ Гомель	25 (2)
2025—4	→ Гомель-2[d]	1 (0)
Зборныя
2021—2022	Беларусь (да 21)	5 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 чэрвеня 2025.

Кар’ера

Клюбная

Пачынаў займацца футболам у менскім МТЗ-РІПА. Яшчэ юнаком апынуўся ў складзе барысаўскага БАТЭ. У 2018 годзе пачаў выступаць за клюбны дубль, дзе неўзабаве замацаваўся ў стартавым складзе. 11 ліпеня 2018 году дэбютаваў у асноўнай камандзе БАТЭ ў матчы Кубка Беларусі супраць «Энэргетыка-БДУ» (2:1, у дадатковы час), выйшаўшы на замену ў другім тайме.

У лютым 2020 году разам зь іншымі маладымі гульцамі БАТЭ быў арандаваны койданаўскім «Арсэналам»^[3]. У складзе койданаўскай каманды звычайна зрэдку выходзіў на замену, а ў жніўні пакінуў клюб^[4]. У верасьні 2020 году быў пераведзены ў «Смалявічы»^[5], дзе 18 верасьня 2020 году дэбютаваў у Найвышэйшай лізе ў матчы супраць берасьцейскага «Руха» (0:6), выйшаўшы на замену ў другім тайме. У далейшым замацаваўся ў стартавым складзе каманды. У сьнежні 2020 году па заканчэньні арэнды пакінуў «Смалявічы»^[6].

У лютым 2021 году на правах арэнды далучыўся да «Слуцка»^[7]. У слуцкай камандзе стаў гульцом асноўнага складу, гуляў пераважна ў стартавым складзе. У сьнежні 2021 году па заканчэньні арэнды пакінуў «Слуцак»^[8]. У студзені 2022 году далучыўся да складу «Гомля»^[9]. У студзені 2024 году пакінуў гомельскі клюб па заканчэньні кантракту^[10] і склаў двухгадовае пагадненьне з БАТЭ^[11]. У красавіку 2024 году атрымаў траўму, а пасьля акрыяньня ў ліпені 2024 году быў аддадзены ў арэнду «Гомлю»^[12]. Арэнда была працягнутая яшчэ на адзін сэзон^[13].

Міжнародная

8 кастрычніка 2021 году дэбютаваў у моладзевай зборнай Беларусі, калі выйшаў у стартавым складзе ў адборачным матчы чэмпіянату Эўропы 2023 году супраць зборнай Грэцыі (0:2) і быў заменены ў другім тайме.