Андрэй Смаль

Андрэй Фёдаравіч Смаль (нар. 1 жніўня 1973, Берасьце, БССР, СССР^[1]) — беларускі дзяржаўны дзяяч рэжыму Лукашэнкі. Намесьнік старшыні Сьледчага камітэту Рэспублікі Беларусь, палкоўнік юстыцыі.

Андрэй Смаль
Дата нараджэньня	1 жніўня 1973(1973-08-01) (52 гады)
Месца нараджэньня	Берасьце, БССР, СССР
Месца вучобы	Гарадзенскі дзяржаўны мэдыцынскі ўнівэрсытэт (1996)
Месца працы	УУС Берасьцейскага аблвыканкаму Дэпартамэнт фінансаў і тылу Міністэрства ўнутраных справаў Рэспублікі Беларусі[d] Центральная вайскова-лекарская камісія Міністэрства ўнутраных справаў Рэспублікі Беларусі[d] Сьледчы камітэт Рэспублікі Беларусь
Узнагароды

Біяграфія

У 1996 годзе скончыў Гарадзенскі дзяржаўны мэдыцынскі ўнівэрсытэт.

З 1996 па 1998 год працаваў лекарам-стажорам і лекарам-хірургам у адной з установаў сістэмы аховы здароўя.

З 1998 па верасень 2007 году праходзіў службу ў акруговай вайскова-лекарскай камісіі УУС Берасьцейскага аблвыканкаму.

З 2007 па кастрычнік 2017 году працаваў у розных пасадах у Дэпартамэнце фінансаў і тылу Міністэрства ўнутраных справаў Рэспублікі Беларусь і Цэнтральнай вайскова-лекарскай камісіі МУС Рэспублікі Беларусь.

19 кастрычніка 2017 году прызначаны намесьнікам старшыні Сьледчага камітэту Рэспублікі Беларусь^[2].

Узнагароды

• мэдаль «За бездакорную службу»(be) І ступені (2020)^[3].

Санкцыі ЭЗ, іншых краін

31 жніўня 2020 году Смаль быў уключаны ў сьпіс асобаў, на якіх накладзена бестэрміновая забарона на ўезд у Латвію, пяцігадовая забарона на ўезд у Эстонію й забарона на ўезд у Летуву ў сувязі з тым, што «сваімі дзеяньнямі ён арганізаваў і падтрымаў фальсыфікацыю прэзыдэнцкіх выбараў 9 жніўня й наступнае гвалтоўнае здушэньне мірных пратэстаў»^[4].

6 лістапада 2020 году Смаль быў унесены ў Чорны сьпіс Эўразьвязу^[5]. У сваім рашэньні Рада Эўрапейскага зьвязу^{[прыбраць шаблён]} адзначыла, што Смаль як намесьнік старшыні Сьледчага камітэту адказвае за кампанію рэпрэсіяў і запалохваньня камітэту ў сувязі з прэзыдэнцкімі выбарамі 2020 году, у прыватнасьці, за расьсьледаваньні, якія былі распачаты супраць Каардынацыйнай рады й мірных дэманстрантаў^[1]. 24 лістапада 2021 году да санкцыяў ЭЗ далучыліся Альбанія, Ісьляндыя, Ліхтэнштайн, Нарвэгія, Паўночная Македонія, Чарнагорыя^[6]. Акрамя таго, Смаля ў свае санкцыйныя сьпісы ўключылі Вялікабрытанія^[7], Канада^[8], Швайцарыя^[9][10].