Андрэй Станіслаў Сапега

Андрэй Станіслаў Сапега (1592 — 25 сакавіка 1646) — дзяржаўны дзяяч Вялікага Княства Літоўскага. Кашталян троцкі (1641—1644) і віленскі (з 1644).

Андрэй Станіслаў Сапега
лац. Andrej Stanisłaŭ Sapieha

Андрэй Станіслаў Сапега. Партрэт з Коданскай галерэі, 1709
Герб Ліс
Асабістыя зьвесткі
Нарадзіўся	1592[1][2]
Памёр	25 сакавіка 1646(1646-03-25)[1][2]
Пахаваны	Касьцёл Адшуканьня Сьвятога Крыжа
Род	Сапегі
Бацькі	Ян Пётар Сапега[2] Соф’я з Вэйгераў[d][2]
Дзеці	Леў Казімер Сапега[d][3] і Ізабела Кацярына з Сапегаў[d][3]
Дзейнасьць	вайсковец

Быў старостам усьвяцкім (1612—1623) і ваўкавыскім (з 1645).

Біяграфія

З чарэйска-ружанскай лініі магнацкага роду Сапегаў гербу Ліс, сын Яна Пятра і Соф’і Вэйгэр. Меў братоў Яна Юзэфа і Паўла Яна.

Браў удзел у Хоцінскай бітве (1621 год). У 1622—1628 гадох ваяваў з Швэцыяй. У 1633 годзе далучыўся да караля і вялікага князя Уладзіслава Вазы ў ягонай выправе на дапамогу Смаленску, які трымаў аблогу Маскоўскай дзяржавы.

Праз канфлікт з уласнай радзінай даволі запозьнена атрымаў дзяржаўныя пасады, абіраўся паслом на соймы, а таксама дэпутатам Галоўнага Трыбуналу^[4].

Пабраўся шлюбам з Ганнай Гайдэнштайн (у 1622 годзе), зь якой меў сына Лявона Казімера і дачку Ізабэлу Кацярыну. Спачыў у касьцёле бэрнардынаў у Горадні^[5].