Анжаліка Борыс

Анжаліка Борыс (нар. 14 кастрычніка 1973) — настаўніца і польская грамадзкая дзяячка Беларусі. Дэмакратычным шляхам абрана кіраўніком Саюзу палякаў на Беларусі (2005, 2009), які не прызнаецца ўрадам Аляксандра Лукашэнкі (зарэгістраваны СПБ у верасьні 2009 узначаліў Станіслаў Сямашка).

Анжаліка Борыс
Дата нараджэньня	14 кастрычніка 1973(1973-10-14) (51 год)
Месца нараджэньня	Грабяні, Адэльскі сельсавет, Гарадзенскі раён, Гарадзенская вобласьць, БССР, СССР
Месца вучобы	Беластоцкі ўнівэрсытэт
Занятак	палітык, настаўніца, старшыня
Сябра ў	СПБ
Узнагароды	Institute Polonicus[d]
Анжаліка Борыс у Вікісховішчы

У сьнежні 2016 года Борыс зноў узначаліла аб’яднаньне^[1].

Анжаліка Борыс была затрымана 23 сакавіка 2021 года і асуджана на 15 сутак. 25 сакавіка 2021 года Генеральная пракуратура Беларусі паведаміла, што распачала крымінальную справу ў дачыненьні да старшыні незарэгістраванага Cаюзу палякаў Анжалікі Борыс і іншых асоб па частцы 3 артыкула 130 КК Рэспублікі Беларусь (распальваньне варожасьці). Борыс і іншых абвінавачваюць у правядзеньні масавых мерапрыемстваў, падчас якіх нібыта ўшаноўваліся ўдзельнікі антысавецкіх бандфармаваньняў, а іх дзеяньні нібыта перасьледвалі мэты рэабілітацыі нацызму, апраўданьня генацыду беларускага народа.

Анжаліку Борыс ў сакавіку 2022 году выпусьцілі з-пад варты пад падпіску аб нявыезьдзе і абавязку зьяўляцца на допыты. У 2023 годдзе абвінавачаньні зьнялі^[2][3].