Ансгар Кнаўф

А́нсгар Кнаўф (па-нямецку: Ansgar Knauff; нар. 10 студзеня 2002 году) — нямецкі футбаліст, правы ўінгер франкфурцкага «Айнтрахта».

Ансгар Кнаўф
Пэрсанальная інфармацыя
Нарадзіўся	10 студзеня 2002(2002-01-10)[1] (23 гады) Гётынген, Ніжняя Саксонія, Нямеччына
Рост	1,8 м
Пазыцыя	нападнік
Клюбная інфармацыя
Клюб	Айнтрахт Франкфурт
Нумар	36
Клюбы
Гады	Клюб	Гульні (галы)¹
2020	Барусія Дортмунд II	36 (10)
2020—2023	Барусія Дортмунд	9 (1)
2022—2023	→ Айнтрахт Франкфурт	36 (2)
2023—4	Айнтрахт Франкфурт	60 (11)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 17 траўня 2025.

Кар’ера

Кнаўф прайшоў праз акадэміі «Гётынгена», «Гановэра-96» і дортмундзкай «Барусіі». У складзе другой каманды дортмундзкай «Барусіі-2» дэбютаваў у чацьвертым дывізіёне нямецкай футбольнай лігі. 25 лістапада 2020 году склаў свой першы прафэсійны кантракт з клюбам, ды быў падцягнуты да галоўнай клюбнай дружыны. Дэбютаваў у матчы Лігі чэмпіёнаў супраць расейскага «Зэніту», замяніўшы на 83-й хвіліне Таргана Азара^[2]. 20 сакавіка 2021 году ўпершыню зьявіўся ў матчы Бундэсьлігі, таксама празь зьмену. Той матч скончыўся ўнічыю з «Кёльнам» зь лікам 2:2^[3]. У студзені 2022 году «Барусія» і франкфурцкі «Айнтрахт» пагадніліся аб арэндзе гульца на 18 месяцаў^[4]. 5 сакавіка таго ж году адзначыўся голам у браму «Гэрты»^[5]. У розыгрышы Лігі Эўропы 2021—2022 гадоў быў абраны найлепшым футбалістам сэзону^[6]. 9 чэрвеня склаў паўнавартасны кантракт з франкфурцамі^[7].

Дасягненьні

«Барусія» Дортмунд:

• Уладальнік Кубка Нямеччыны: 2021

«Айнтрахт» Франкфурт:

• Пераможца Лігі Эўропы: 2022